Osnovi Web-texnologiy

KIRISH

O‘zbekiston Respublikasi prezidenti Shavkat Mirziyoev 1-fevral 2019-yilda “Transport sohasida davlat boshqaruvi tizimini tubdan takomillashtirish chora-tadbirlari to‘g‘risida_ˮgi PF-5647-sonli farmonni imzoladi. Bu farmon logistika sohasini yanada rivojlantirish uchun qo‘yilgan birinchi qadam hisoblanadi. So‘nggi yillarda mamlakatimizda transport va transport kommunikatsiyalari sohasini rivojlantirish, tashishlarning yuqori darajadagi xavfsizligini ta’minlash, transport sohasidagi boshqaruv tizimini takomillashtirish, soha uchun malakali mutaxassislarni tayyorlashga yo‘naltirilgan keng ko‘lamli choratadbirlar amalga oshirildi.

Iqtisodiyotni rivojlantirishning zamonaviy tendensiyalari va amalga oshirilayotgan islohotlar respublikaning geografik joylashuvini inobatga olgan holda transport xizmatlarining sifatliligi va ommabopligini ta’minlashga yo‘naltirilgan yagona transport siyosatini shakllantirish va amalga oshirish, sohani boshqarishning zamonaviy texnologiyalari va intellektual tizimlarini joriy etishda alohida ahamiyatga ega ekanligini ko‘rsatmoqda.

2017-2021 yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasida belgilangan vazifalarni amalga oshirish: transport sohasidagi davlat boshqaruvi tizimini tubdan takomillashtirish, respublikaning investitsiyaviy jozibadorligi va eksport salohiyatini oshirish, transport kommunikatsiyalarini strategik rivojlantirish va barqaror faoliyat ko‘rsatishini ta’minlashga katta imkoniyatlar beradi.

Transport infratuzilmasini, birinchi navbatda avtomobil va temir yo‘llarni rivojlantirishga alohida e’tibor qaratilmoqda. Shu maqsadda respublikamizda transport kommunikatsiyalarini rivojlantirish bo‘yicha ko‘pgina salmoqli ishlar amalga oshirilmoqda.

Raqamli iqtisodiyotni rivojlantirish jarayonida raqamli logistikada zamonaviy innovatsion texnologiyalardan foydalangan holda boshqarish ishlarini olib borish maqsadga muvofiqdir. Shunday ekan, tashish hajmlarini oshirish, iste’molchilarning yuk va yo‘lovchi oqimlarini tashib yetkazishga bo‘lgan ehtiyojlarini kafolatli qondirish, logistik kanallar faoliyati iqtisodiy samaradorligini ta’minlash, bugungi kundagi eng dolzarb vazifalar hisoblanadi. Iqtisodiy rivojlangan mamlakatlar tajribasi shuni ko‘rsatmoqdaki, iste’molchilarning tovar, mahsulot va xomashyoga bo‘lgan ehtiyojlarini ta’minlash sohasidagi jadal o‘zgarishlarni faqat yuk oqimlarini samarali yetkazish jarayonlarini tashkil etish va boshqarishning yangi texnologiyalarini, xususan, logistika tamoyillarini keng qo‘llash asosida amalga oshirish mumkin bo‘ladi. O‘z mohiyatiga ko‘ra logistika bu yuk oqimlari harakatini samarali tashkil etish va boshqarishga hamda bu jarayondagi samarasiz yo‘qotishlar va xarajatlarni kamaytirishga imkon beradi. Bunday sharoitda transport vositalari, omborxona va terminallar o‘zlarining tashish faoliyatlarini iste’molchilar va transport xizmati bozorining tobora oshib borayotgan talablariga moslashtirishi lozim bo‘ladi.

Hozirgi bozor iqtisodiyoti sharoitida mamlakatimizdagi logistik tarmoq faoliyati endigina shakllanib, o‘zining rivojlanish bosqichiga o‘tmoqda. Bu holat logistikaning nafaqat ilmiy-amaliy, balki o‘quv qo‘llanma sohalariga ham tegishli. Logistikani o‘qitish hamda tushuntirishda logistika bilan bog‘liq bo‘lgan ko‘plab sohalar hali ham katta o‘rin egallaydi. Logistikaning o‘zagini ajratib ko‘rsatishni hali o‘rganishimiz zarur.

Jarayonlarni logistik boshqarish konsepsiyasi faqatgina logistika sohasi bo‘yicha mutaxassislar tomonidan ishlab chiqilishi shart emas. Jarayonlarni tizimli boshqarish falsafasi biznesning asosiy falsafasiga aylanishi kerak. Turli yo‘nalishda faoliyat olib boruvchi tadbirkorlar, iqtisodchilar, menejerlar logistika konsepsiyalari va jarayonlarni logistik boshqaruv usullari va ularning samarasini tushunishlari va qabul qilishlari kerak. Shuning uchun ham bugungi kunda logistika sohasida oliy ta’limning ahamiyati juda katta.

Fanning dolzarbligi hamda unga nisbatan tobora ortib borayotgan qiziqish moddiy oqimlar bilan shug‘ullanuvchi tizimlar faoliyatiga logistik nuqtai nazardan yondashishning samaradorligi bilan belgilanadi.