Musiqachi- musiqa sohasidagi mutaxassis yoki cholgʻu asbobida chaluvchi; U musiqa bilan professional yoki havaskor sifatida shugʻullanadi.
1. Ish faoliyatining mazmuni. Musiqachi chinakam ijodiy kasb boʻlib, ayni paytda doimiy kasbiy rivojlanish va mashaqqatli mehnatni talab qiladi. Musiqachi ham yakka tartibda, ham orkestr yoki guruh tarkibida ishlashi mumkin. Musiqachining asosiy faoliyati kompozitor asarlarini turli cholgʻu asboblarida ijro etish bilan bogʻliq boʻlib, tomoshabinlarga asar yaratuvchisi gʻoyasini etkazishdir.
2. Mutaxassisning bilim va koʻnikmalariga qoʻyiladigan talablar: Leksik koʻnikmalarni rivojlantirish; faollik va jismoniy harakatchanlik; musiqani eshitish qobiliyati; ritm hissi; musiqiy xotira; yaxshi muvofiqlashtirish; qatʼiyatlilik, sabr-toqat, fidoyilik; rivojlangan tasavvur, ijodkorlik (improvizatsiyaga moyillik).
3. Muhim kasbiy sifatlari Sanʼat va madaniyat olami; kompozitsiya asoslari, nota yozuvlari; musiqa sanʼati asoslari, musiqa savodxonligi bilimlariga ega boʻlishi
4. Kasbning qoʻllanish sohasi Umumiy oʻrta taʼlim maktablari va musiqa maktablarida musiqa oʻqituvachisi, studiyalarda, orkest va musiqiy jamoalarda va h.k.
5. Tibbiy monelik Mushak-skelet tizimining; asab tizimi. eshitish va koʻrish organlari kasalliklari
6. Turdosh kasblar Bastakor,
qoʻshiqchi,
aktyor,
sanʼatshunos
PRODYUSER Kasb tipi – Odam-badiiy obraz
PRODYUSER -u tashkilotchi-boshqaruvchi. U musiqa, televizon teatr va boshqa ijodiy loyihalarni boshqaradi
1. Ish faoliyatining mazmuni. Prodyuser eng avvalo boshqaruv qobiliyatiga ega yaxshi tashkilotchidir. U punktual, ochiqkoʻngil, stressga chidamli boʻlishi kerak. Faqat bu fazilatlar mavjud boʻlsa, loyiha ustida ishlaydigan jamoa muammosiz va samarali ishlaydi. Odatda prodyuserning ish faoliyati kinostudiyalarda, telekanallarda va prodyuserlik markazlarida oʻtadi.
