1. Ish faoliyatining mazmuni. Naqsh chizishni oʻrganish uchun dastavval toʻgʻri, egri tik aylana chiziqlarni chamalab boʻlishlardan boshlanadi. Oʻsimliksimon naqsh elementlari barglar, gullar, bogʻlam, kanob va boshqalarni katak daftarda maxsus toʻrlar asosida qora qalamda chizish mashq qilinadi.
Naqsh elementlarini ravon jonli chizishga oʻrgatiladi, chizish vaqtida simmetriya, assimeteriya va boshqalarga eʼtibor beriladi.
Qogʻozga chizilgan naqsh quyidagi bosqichda boʻyaladi. Eng avvalo naqshning zaminni, yaʼni eng katta yuzalarni keng kichik yuzalar soʻngra barg, gul, gʻuncha va boshqalari naqshning bandlari boʻyaladi. Naqshning gullari, gʻuncha va barglarga pardoz beriladi, yaʼni targʻil beriladi.
2. Mutaxassisning bilim va koʻnikmalariga qoʻyiladigan talablar: • badiiy-ijodiy kuzatish qobiliyatlari, koʻrish xotirasining malakasini oʻstirish;
• tasviriy va meʼmorlik sanʼati tarixi haqida koʻnikma hosil qila oladilar, yaqindan tanishadilar;
• tasviriy sanʼatning nazariy asoslari bilan tanishish;
• xalq amaliy bezak sanʼatida ishlatiladigan materiallarni hammasida ishlay olish;
• har xil asboblarda erkin ishlay olish;
• naqsh turlari va ularning elementlarini chiza bilish;
• oʻsimliksimon, geometrik, ramziy va boshqa naqsh turlarini tuza bilish;
• bu naqshlarni xalq amaliy sanʼati turlarida qoʻllay bilish;
• xalq amaliy bezak sanʼati buyumlarining yasay olish;
• ish oʻrnini toza tutish, texnika xavfsizligi, yongʻin xavfsizligi va gigiyena qoidalarini bilish.
3. Muhim kasbiy sifatlari • estetik did;
• ijodkorlik;
• saranjom-sarishtalilik;
• iltifotlilik;
• muloqot qobiliyati yaxshi rivojlanganligi;
• diqqatining aniq yoʻnalganligi;
• sabr-toqatlilik;
• fantaziyaga boy boʻlish:
• kasbga boʻlgan qiziquvchanlik.
4. Kasbning qoʻllanish sohasi • usto uyushmasi;
• musavvir uyushmasi;
• yakka tartibda binolarni bezashda.
