1. Ish faoliyatining mazmuni. Qurilish maydonlarida – loyiha va normativ hujjatlar talablariga toʻla mos tushadigan holda payvandlash ishlarini amalga oshirishni oʻrgatadi.
Payvandlash texnikasi va texnologiyasi kunda ishlab chiqarishda yetakchi oʻrinlardan birini egallaydi.Texnika taraqqiyoti ishlab chiqarish usullariga, jumladan payvandlash texnologiyasiga tobora yangi talablar qoʻymoqda. Mehnat unumdorligini oshirish zarurati payvandlashning mexanizatsiyalashtirilish va avtomatlashtirish darajasini yuksaltirishga, uning yangi murakkab mashinalar hamda agregatlar bilan jihozlanishiga olib kelmoqda.
Bularning hammasi payvandlovchi usta yaʼni payvandlash sohasidagi mutaxassislarni, ayniqsa, payvandchilarni yuqori malakali boʻlishini taqozo etdi. Bugungi kunda payvandlash usullarining bir nechta murakkab boʻlgan operatsiyalarini bajara olishining oʻzi yetarli emas. U payvandlashda sodir boʻladigan asosiy jarayonlarning fizik mohiyatini tushuna olishi, turli konstruksion materiallarni payvandlanuvchanlik xususiyatlarini ham istiqbolli yangi payvandlash usullarining maʼnosini va texnologik imkoniyatlarini bilishi zarur.
2. Mutaxassisning bilim va koʻnikmalariga qoʻyiladigan talablar: • payvandlashning nazariy asoslari;
• elektr yoy yordamida payvandlash usullari;
• elekir yoy yordamida payvandlashda ishlatiladigan materiallar turlari;
• elektr yoy yordamida payvandlash texnologiyasi;
• payvand choklari va birikmalar turlari;
• gaz payvandlash jihozlari;
• gaz payvandlash texnologiyasi;
• polimer materiallarni payvandlash usullari;
• elektr va gaz yordamida payvandlashda xavfsizlik texnikasi;
• loyiha chizmasi yoki texnologik xaritaga asosan payvandlash ishlari turlarini aniqlash;
• payvandlash ishlariga doir qurilish meʼyor va qoidalari.
3. Muhim kasbiy sifatlari • Loyiha chizmalari va texnik talablarga koʻra, payvandlash ishlari xarakterini aniqlash;
• Payvandlash uskunalarini ishga tayyorlash, payvandlash materiallarini tanlash, sertifikat hujjatlari va texnik pasport koʻrsatkichlari bilan tanishish;
• Elektr yoyi yordamida payvandlash ishlarini bajarish;
• Gaz payvandlash yoʻllarini bajarish;
• Gaz yordamida payvandlash ishlarini bajarish;
• Payvandlash ishlarida elektr xavfsizligi va mehnat muhofazasi talablarini bajarish, shaxsiy himoya vositalaridan foydalanish;
