Oʻzbekiston respublikаsi oliy taʻlim, fan va innovatsiya vаzirligi

OʻZBEKISTON RESPUBLIKАSI
OLIY TAʻLIM, FAN VA INNOVATSIYA VАZIRLIGI
MIRZO ULUGʻBEK NOMIDАGI
OʻZBEKISTON MILLIY UNIVERSITETI
Qoʻlyozma huquqida
UDK: 316.6:159.922.8:378(575.1)

70310901- Psixologiya (faoliyat turlari bo'yicha)

NAZAROVA GULNORA NORBEKOBNA
Talabalarda kasbga motivatsion yo’nalganlikning ijtimoiy-psixologik jixatlari

Magistr akademik darajasini olish uchun yozilgan

dissertatsiya

Ilmiy rahbar:

psi.f.d (DSc) K.B.Kadirov

Toshkent 2023

O'ZBEKISTON RESPUBLIKASI
OLIY TA'LIM, FAN VA INNOVATSIYA VAZIRLIGI
MIRZO ULUGʻBEK NOMIDАGI
OʻZBEKISTON MILLIY UNIVERSITETI
Fakultet: Ijtimoiy Magistratura talabasi: G.N.Nazarova
Kafedra: Umumiy psixologiya Ilmiy rahbar: PhD. K.B.Kadirov
O’quv yili: 2021-2023 Mutaxassisligi:70310901-Psixologiya
(faoliyat turlari bo’yicha)
“Talabalarda ijtimoiy faollikni rivojlantirishning psixologik jihatlarini o’rganish” mavzusidagi
MAGISTRLIK DISSERTATSIYASI ANNOTATSIYASI

Mavzuning dolzarbligi. Oliy ta’lim muassasalari talabalarining ijtimoiy faolligini rivojlantirish texnologiyasini takomillashtirish, ularning ijtimoiy tashabbuskorligini qo‘llab-quvvatlashga doir yangi pedagogik-psixologik vositalarni ishlab chiqish, ijtimoiy-madaniy va kommunikativ faoliyatni samarali tashkil etish malakalarini rivojlantirishga doir qator ilmiy izlanishlar ham olib borilmoqda.
Talabalarni kasbga motivatsion yo’naltirish asosiy omillari sifatida talabalarda axloqiy-estetik dunyoqarash va siyosiy ijtimoiylashuvni qaror toptirish alohida e’tirof qaratilishi lozim. Shuningdek, ijtimoiy faollikning psixologik jihatlari, shaxslararo munosabatga kirishi, harakter xususiyatlari,temperamenti,pedagogik kasbiy va kommunikativ tayyorgarligining ma’naviy-madaniy asoslari, taraqqiyot g‘oyalariga ongli munosabati, fikrlashini rivojlantirish muhim o‘rin tutadi. Respublikamizda oliy ta’lim mazmuni va kadrlar tayyorlash jarayonlarini ilg‘or xorijiy tajribalar asosida takomillashtirish, talabalarda ijtimoiy faollikni rivojlantirish uchun psixologik ishlarga muhim yo‘nalish sifatida alohida e’tibor qaratilmoqda. Shu bilan birga talabalarning bo‘lajak kasbiy faoliyatning ijtimoiy ahamiyatini to‘liq anglanishiga erishish, ijtimoiy talab va majburiyatlarga mas’uliyatni munosabatni qaror toptirishning psixologik jihatlarini takomillashtirish zaruriyati yuzaga kelmoqda.Talabalarning kasbga motivatsion yo’nalganlikning pedagogik-psixologik xususiyatlarini aniqlashtirish, ijtimoiy faollikni rivojlantirishning psixologik jihatlarini takomillashtirish ishlari bugungi kundagi dolzarb masalalardan biri hisoblanadi.