1.24. Ichki organlarning endoskopik tekshiruv metodi Endoskopiya - shilliq qavatni ko`rish, deformatsiya, yara va qon ketish manbaasini, o`smalarni va poliplarni aniqlash imkonini beradi. Maxsus uskunalar yordamida tekshirilayotgan organning ma`lum qismlarini suratga tushirish va mikroskopik tekshiruv o`tkazish uchun biopsiya o`tkazish (shilliq qavat, o`sma hosilasini), kerak bo`lgan preparatlarni yuborish imkonini beradi.
Endoskopik tekshiruv usullari:
Bronxoskopiya (traxeya va bronlarni tekshirish)
Ezofagoskopiya (Meda tekshiruvi)
Fibroezofogogastroduodenoskopiya (fibrogastroskop yordamida meda, va o`n ikki barmoqli ichakni tekshirish)
Intestinoskopiya (ingichka ichak tekshiruvi)
Kolonoskopiya (yo`g`on ichak tekshiruvi)
Rektoromanoskopiya (lat. Rectum – to`g`ri ichak; eskirgan anatomik termin «S-romanum» -- sigmasimon ichak: tog`ri va sigmasimon ichak tekshiruvi)
Sistoskopiya (siydik pufagi tekshiruvi). Endoskopik tekshiruv och qorinda amalga oshiriladi. FEGDSda bemor 8soatdan kech bo`lmagan paytda ovqatlanishi kerak, ertalab esa ovqat qabul qilmasligi, chekmasligi, suv ichmasligi kerak. Intestinoskopiya, kolonoskopiya, va rekto-romanoskopiyada bemorni irrigoskopiyadagidek tayyorlanadi. Sistoskopik tekshiruvda bemor siydik pufagini bushatishi kerak.
1.25. Ultratovush tekshiruv usuli Ultratovush tekshiruv usuli (UTT) – turli ultratovush to`lqinlarini o`tkazuvchanlikkka ega bo`lgan yuzalardan tovush to`lqini manbasidan megagerslardan tarqaladigan to`lqinlar yordamida tekshiruvdan iborat bo`lgan metod. O`tkazuvchanlik darajasi organ zichligi va elastikligiga bog`liq.
UTT (sonografiya) yurak (exokardioografiya) va tomir (dopplerografiya), qalqonsimon va qalqonoldi bezi, qorin sohasi organlari, buyrak va kichik chaqnoq bo`shlig’i organlari (siydik pufagi, bachadon, tuxumdonlar, prostata bezi), ko`z va miya kasalliklarida qo`llaniladi.
Nazorat savollari: Oshqozon-ichak tizimi kasalliklarining asosiy shikoyatlari.