O‘zbekiston respublikasi oliy va o‘rta maxsus ta’lim vazirligi м. T. Asqarova
Yüklə 2,92 Mb. Pdf görüntüsü
|
|
5 KIRISH Iqtisodiy o‘sishga erishish, uning sur’atlarini barqaror va maqbul darajada bo‘lishini ta’minlash barcha davlatlar uchun eng ustuvor vazifa bo‘lib hisoblanadi. Chunki iqtisodiy o‘sish ko‘rsatkichi mamlakatning kuch-qudratini va aholining farovonligini belgilovchi asosiy ko‘rsatkichlardan biri bo‘lib hisoblanadi. Vatanimizda mustaqillik yillarida iqtisodiyotni rivojlantirish va aholi turmush farovonligini yuksaltirish borasida ulkan yutuqlarga erishildi. Ayniqsa, iqtisodiy o‘sish sur’atlarining barqarorlik kasb etganligi, mamlakatimizni rivojlantirish borasida keyingi yillarda qayd etilayotgan natijalar bu xulosalar qanchalik asosli ekanligini ko‘rsatadi. Shu bilan birga, jahon iqtisodiyotida yuzaga kelgan murakkab shart- sharoitlarda makroiqtisodiy barqarorlikni, iqtisodiy o‘sishni va aholi turmush darajasini oshirishni ta’minlash, milliy iqtisodiyotning raqobatbardoshligini oshirish hisobiga jahon iqtisodiy makonida mamlakatimiz o‘zining mustahkam o‘rniga ega bo‘lishiga erishish uchun iqtisodiy islohotlarning izchilligi va davomiyligini ta’minlash, iqtisodiyotning takribiy to‘zilishini yanada takomillashtirish, ishbilarmonlik muhitini yaxshilash borasida ilmiy tadqiqotlar ko‘lamini kengaytirish talab etiladi. Mamlakatimiz Prezidenti SH.Mirziyoyev O‘zbekiston Respublikasi Vazirlar Mahkamasining 2016- yilda mamlakatimizni ijtimoiy-iqtisodiy rivojlantirish yakunlari hamda 2017- yilga mo‘ljallangan iqtisodiy dasturning eng muhim ustuvor yo‘nalishlariga bag‘ishlangan majlisidagi ma’ruzasida «Makroiqtisodiy barqarorlikni yanada mustahkamlash va iqtisodiy o‘sishning yuqori sur’atlarini saqlab qolish, jumladan, Davlat budjeti barcha darajada mutanosib, milliy valyuta va ichki bozordagi narx darajasi barqaror bo‘lishini ta’minlash – eng muhim ustuvor vazifamizdir» 1 deb ta’kidladilar. Iqtisodiy islohotlarni chuqurlashtirishning Respublika Prezidenti Sh.Mirziyoyev tomonidan belgilab berilgan 5 ta ustuvor yo‘nalishga asoslangan 1 Mirziyoyev SH.M. Tanqidiy tahlil, qat’iy tartib-intizom va shaxsiy javobgarlik – har bir rahbar faoliyatining kundalik qoidasi bо‘lishi kerak. T.: О‘ZBEKISTON – 2017- y. 6 “Harakatlar strategiyasi” da vazifalariga nazar tashlar ekanmiz ularning barchasi to‘g‘ridan-to‘g‘ri yoki bilvosita iqisodiy o‘sishga erishish masalalari ekanligiga amin bo‘lamiz. Mamlakatni iqtisodiy holatini о‘tkazilayotgan joriy chora-tadbirlar zarurligi samarasini baholashda iqtisodiy о‘sish modellari juda katta ahamiyatga ega. Bundagi muhim vazifalar mamlakatda sodir bо‘layotgan jarayonlarni modellashtirish sifatini oshirish va о‘tkazilayotgan iqtisodiy siyosatning natijalarini aniqlashdan iboratdir. Iqtisodiy о‘sish asosiy ilmiy-amaliy yо‘nalishlardan biri bо‘lib, makroiqtisodiy kо‘rsatkichlarning о‘zaro bog‘liqliklarini aniqlab berishga yordam beradi. Aholi turmush darajasini yuksaltirish davlat iqtisodiy siyosatining bosh maqsadi hisoblanadi. Mazkur maqsadga erishishning dastlabki sharti va yо‘li esa iqtisodiy о‘sishni ta’minlashdir. Iqtisodiy о‘sish esa inklyuziv (keng qamrovli) bо‘lishi zarur. Shu sababga kо‘ra ham, magistratura talabalarida inklyuziv iqtisodiy о‘sishni ta’minlash va iqtisodiy о‘sish modellarini rivojlantirish bilan bog‘liq bо‘ladigan masalalarni hal etish bо‘yicha chora tadbirlar ishlab chiqish uchun talab etiladigan bilim hamda kо‘nikmalarni shakllantirish yuqori malakali mutaxassis iqtisodchilar tayyorlash jarayonining ajralmas qismidir. |