Kurs ishini maqsad va vazifalari Oliy ta’lim muassasalari ta’lim yo‘nalishlari o‘quv rejalariga asosan talabalar mutaxassisligi boʻyicha tegishli fanlardan nazariy va amaliy bilim olish bilan bir qatorda, ularning ilm-fanga bo‘lgan qiziqishini oshirish orqali chuqur bilim sohibi bo‘lishini nazarda tutib, talabani kurs va bitiruv malakaviy ishini yozish va himoya qilishdek muhim qoida kiritilgan.
Kurs ishi – bu ta’lim dasturlarini o‘zlashtirish jarayonida olgan nazariy va amaliy ko‘nikma va malakasi asosida ilmiy rahbar tomonidan berilgan (tanlangan) mavzuning talaba tomonidan mustaqil yozilgan va tugallangan hamda talabaning adabiyotlar bilan ishlay olishini, olgan materiallarini tahlil qilishi va umumlashtirishini namoyon etuvchi ilmiy-tadqiqot ishidir.
Kurs ishining maqsadi – talabani nazariy va amaliy tayyorgarligini aniqlash, uning fikrlash qobiliyatini va olingan bilimlarining chuqurliligini va sifatini belgilash xisoblanadi. Kurs ishining maqsadidan kelib chiqadigan asosiy vazifalar quyidagilardan iborat: “Algoritmik tillar va dasturlash” fanidan tanlangan kurs ishi mavzusi boʻyicha mavjud Algoritmik tillar va dasturlashda muammolar mohiyatini nazariy va amaliy asoslash va mazmunli yoritilishi;
Algoritmlar tillar va nazariyasi usullari mazmunini yanada teran va chuqur mantiqiy mushohada qilishi;
Amaliy masalalarni yechimini hisoblashda amaliy koʻnikmalar hosil qilishi;
internet ma’lumotlari, hisobotlar va xujjatlarni tahlil qilish;
ishlab chiqarish va xizmat koʻrsatish hamda ta’lim samaradorligini oshirishga qaratilgan yoʻl-yoʻriq, xulosalar va koʻrsatmalarni ishlab chiqish.
Kurs ishini bajarish jarayoni oʻquv jarayonning ajralmas qismi boʻlgani uchun toʻgʻri tashkil etish, yoritilayotgan mavzuning sifatli bayon etilishiga ta’sir koʻrsatadi.
Shuning uchun kurs ishini bajarish davomida talaba oʻz mehnatini quyidagi bosqichlar boʻyicha toʻgʻri taqsimlashi katta ahamiyatga ega:
kurs ishi mavzusini tanlash;
axborot uslubiy ta’minoti (adabiyotlar, internet) ma’lumotlarini yigʻish va ularni oʻrganish;
kurs ishi mavzusi rejasini tuzish;
mavzuga oid turli ma’lumotlar toʻplash va qayta ishlash;
kurs ishi matnini yozish;
kurs ishini rasmiylashtirish;
kurs ishini himoyasi;
Kurs ishini bajarishda talaba oʻz ustida ishlashi bilan bir qatorda kurs ishi rahbarlari bilan maslahatlashishi va tegishli koʻrsatmalar asosida faoliyat koʻrsatishi zarur hisoblanadi.
