TARBIYAVIY ISHLAR METODIKASI fanidan KURS ISHI MAVZU: Ma’naviy qadriyatlar va milliy o’zlikni anglash va ularni takomillashtirish. Bilim sohasi: 100000 – Gumanitar
Ta’lim sohasi: 110000 – Pedagogika
Bakalavriat yo’nalishi:
5111700
– Boshlang’ich ta’lim va sport tarbiyaviy ish
Tekshirdi: G.O.Abduraimova Bajardi: L.U.Ismatova TOSHKENT – 2022 Mavzu: Ma’naviy qadriyatlar va milliy o’zlikni anglash va ularni takomillashtirish. Agar jamiyat hayotining tanasi iqtisodiyot bo‘lsa, uning joni va ruhi ma’naviyatdir. Biz yangi O‘zbekistonni barpo etishga qaror qilgan ekanmiz, ikkita mustahkam ustunga tayanamiz. Birinchisi – bozor tamoyillariga asoslangan kuchli iqtisodiyot. Ikkinchisi – ajdodlarimizning boy merosi va milliy qadriyatlarga asoslangan kuchli ma’naviyat. Shavkat Mirziyoyev Mundarija: I.KIRISH II.ASOSIY QISM 1. Qadriyat tushunchasi va milliy-ma’naviy
qadriyatlarning tiklanishiga bo’lgan ehtiyoj.
2 .Millat ma’naviyatini o’stirish va milliy o’zlikni anglashda ma’naviy qadriyatlarning tutgan o’rni va ahamiyati.
3.Ta’lim jarayonida o’quvchilarda ma’naviy qadriyatlar tizimini shakllantirish va milliy o’zlikni anglashning samarali yo’llari.
III.XULOSA. IV.FOYDALANILGAN ADABIYOTLAR RO’YXATI.
KIRISH “Milliy o‘zlikni anglash deb ko‘p gapiramiz. Lekin shunga munosib bo‘lyapmizmi, degan tuyg‘u meni qiynaydi. Ota-bobolarimiz qiyin sharoitlarda, mehnat-mashaqqat bilan qanday buyuk ishlarni amalga oshirgan. Jadid bobolarimizni ham bekorga qatag‘on qilishmagan. Chunki bilishardiki, ilm, g‘urur, davlatchilik bizning qonimizda bor. Bu yerda hamma buyuk allomalarimizning ovozi eshitilib turadi. Biz yaratayotgan yangi O‘zbekistonning mafkurasi ezgulik, odamiylik, gumanizm g‘oyasi bo‘ladi. Biz mafkura deganda, avvalo, fikr tarbiyasini, milliy va umuminsoniy qadriyatlar tarbiyasini tushunamiz. Ular xalqimizning necha ming yillik hayotiy tushuncha va qadriyatlariga asoslangan. Milliy tarixni milliy ruh bilan yaratish kerak. Aks holda uning tarbiyaviy ta’siri bo‘lmaydi. Biz yoshlarimizni tarixdan saboq olish, xulosa chiqarishga o‘rgatishimiz, ularni tarix ilmi, tarixiy tafakkur bilan qurollantirishimiz zarur. Agar kimdir, ma’naviyat masalasi – bu faqat Ma’naviyat markazi yoki tegishli vazirlik va idoralarning ishi, deb o‘ylasa, xato qiladi. Bularning barchasi oldimizda turgan eng asosiy, eng muhim vazifalardan biridir.”
