O’zbеkiston rеspublikasi oliy va o’rta maxsus ta'lim vazirligi nizomiy nomidagi toshkеnt davlat pеdagogika univеrsitеti «geografiya»

Tayanch iboralar: Kadrlar tayyorlash milliy dasturi, kadrlar tayyorlash milliy dasturining maqsadi, kadrlar tayyorlash milliy dasturining bosqichlari, shaxs, davlat va jamiyat, fan, uzluksiz ta’lim, ishlab chiqarish,

1. 
   Kadrlar tayyorlash milliy dasturining ahamiyati.
   

O’zbekiston Respublikasi davlat mustaqilligiga erishib, iqtisodiy va ijtimoiy rivojlanishning o’ziga xos yo’lini tanlashi kadrlar tayyorlash tuzilmasi va mazmunini qaytadan ko’rib chiqishni taqozo etdi.

Ayniqsa, kadrlar tayyorlash tizimining demokratik o’zgarishlar va bozor islohotlari talablariga muvofiq emasligi, o’quv jarayonining moddiy–texnika va axborot bazasi etarli emasligi, yuqori malakali pedagog kadrlarning etishmasligi, sifatli o’quvuslubiy va ilmiy adabiyot hamda didaktik materiallarning kamligi, ta’lim tizimi, fan va ishlab chiqarish o’rtasida puxta o’zaro hamkorlik va o’zaro foydali integratsiyaning mavjud emasligi va boshqa jiddiy kamchiliklar mavjud edi.
Ta’lim-tarbiya va o’quv jarayonlarining tarkibini, bosqichlarini birbiri bilan uzviy bog’lash, ya’ni uzluksiz ta’limtarbiya tizimini tashkil qilish muammolari hal qilingan emas edi. Amaldagi ta’lim tizimi zamonaviy taraqqiy topgan demokratik davlatlar talablariga javob bera olmadi.
Mutaxassislar tayyorlash, ta’limtarbiya tizimi jamiyatda bo’layotgan islohot, yangilanish jarayonlari talablari bilan bog’lanmagan. Maktabgacha ta’lim va tarbiya ahvoli qoniqarsiz. Maktabgacha tarbiya ham jiddiy islohotlar talab qilardi. Maktablarda va boshqa o’quv yurtlarida ta’lim jarayonining o’zidagi va o’qitish uslubiyatidagi har xil kamchiliklar oqibatida bilim berishda yuzaga kelgan nodemokratik hamda jamiyat uchun zararli muhit shunga olib keldiki, o’quvchilarda mustaqil fikrlash rivojlanmay qoldi. Oqilona hayotiy echimlar qabul qilish uchun etarli tayyorgarlik bo’lmadi. Natijada, 9-11 sinflarni tamomlagan yoshlar mustaqil hayotda o’z o’rinlarini aniqlay olmadi. Chunki ularda o’zlariga ishonch shakllanmagan edi.
Ta’lim tizimida, mavjud umumta’lim va kasbhunar dasturlari o’rtasida uzviylik va vorisiylikning yo’qligi ham o’rta maktab bitiruvchilarida kasbga ishtiyoq va mehnat faoliyatiga tayyorgarlik darajasiga salbiy tasir etdi. Natijada, yigit va qizlar o’z qobiliyatlari, istaklari, ijodiy imkoniyatlari va qobiliyatlariga, moyilliklariga monand hayot yo’lini tanlashda qator qiyinchiliklarga duch keldilar.
O’quv jarayoni, odatda, bilim darajasi o’rtacha bo’lgan o’quvchilarga mo’ljallanadi. Shu bois ta’limning iqtidorli yoshlar bilan yakka tartibdagi o’quv dasturlari bo’yicha ishlashi kabi mexanizmlaridan yaxshi foydalanilmadi. Hunar-texnika bilim yurtlaridan yangi tipdagi ta’lim muassasalariga o’tish ko’proq og’izda bo’lib, amalda esa ularda ta’lim eskirib qolgan moddiy texnika va o’quvuslubiy bazada, tegishli qayta tayyorgarlikdan o’tmagan o’qituvchi kadrlar bilan amalga oshirildi.
Kasb-hunar ta’limining obro’si hamda o’qituvchilar, tarbiyachilar va murabbiylarning, ilmiy va ilmiy pedagog kadrlarning ijtimoiy maqomi pasayib bordi. O’qituvchilar, pedagoglar va tarbiyachilarning kattagina qismining yaxshi tayyorgarlik ko’rmasligi, bilimi sayozligi va kasb saviyasi pastligi tufayli tayyorlanayotgan kadrlarning malakasi past darajada qoldi. Respublikamizda ilmiy va ilmiy pedagog kadrlarning o’rtacha yoshlari ulg’ayib bordi.
Ko’ngildagidek bilimdon, mutaxassis kadrlar tayyorlash, inson salohiyatini yuzaga chiqarish har jixatdan ustozlarga ularni o’qitish jarayonini tashkil etishlariga bog’liq. Ta’lim tizimi kadrlarning miqdori va malakasi, mutaxassisligi jihatidan bozor talablariga tezda moslasha oladigan bo’lishi zarur. Tizimdagi qator kamchiliklar, zamon talablarini hisobga olgan holda respublikamizda kadrlar tayyorlashning mutloq yangicha tizimini barpo qilishga kirishildi.
Ta’lim tizimini isloh qilish, o’quvchilarni kasbga yo’llash va ta’limning amaliy yo’naltirilganligini etarli bosqichga ko’tarish yoshlarda mustaqil fikr yuritish, mehnat faoliyati ko’nikmalarini yorqinroq shakllanishiga yordam beradi.
Ta’lim sohasini tubdan isloh qilish, uni eski mafkuraviy qarashlardan to’la xalos etish, rivojlangan demokratik davlatlar darajasida, yuksak ma’naviy va ahloqiy talablarga javob beruvchi yuqori malakali kadrlar tayyorlash milliy tizimini yaratish maqsadida Kadrlar tayyorlash milliy dasturi qabul qilindi.
Bu maqsadni ro’yobga chiqarish quyidagi qator vazifalarni amalga oshirishni talab qilishi belgilab qo’yildi:
– “Ta’lim to’g’risida”gi O’zbekiston Respublikasi Qonuniga muvofiq tizimni isloh qilish, davlat va nodavlat ta’lim muassasalari hamda ta’lim va kadrlar tayyorlash sohasida raqobat muhitini shakllantirish negizida tizimni yagona o’quv – ilmiy – ishlab chiqarish majmui sifatida izchil rivojlantirishni ta’minlash;

• 
  ta’lim va kadrlar tayyorlash tizimini jamiyatda amalga oshirilayotgan yangilanish, rivojlangan demokratik huquqiy davlat qurilish jarayoniga moslash;
  
• 
  kadrlar tayyorlash tizimi muassasalarini yuqori malakali mutaxassislar bilan ta’minlash, pedagogik faoliyatning nufuzi va ijtimoiy maqomini ko’tarish;
  
• 
  kadrlar tayyorlash tizimi mazmunini mamlakatning ijtimoiy va iqtisodiy taraqqiyoti istiqbollaridan, jamiyat ehtiyojlaridan, fan, madaniyat, texnika va texnologiyalarning zamonaviy yutuqlaridan kelib chiqqan holda qayta qurish;
  
• 
  ta’lim oluvchilarni ma’naviyahloqiy jihatidan tarbiyalash va ma’rifiy ishlarning samarali shakllari hamda uslublarini ishlab chiqish va joriy qilish;
  
• 
  ta’lim va kadrlar tayyorlash, ta’lim muassasalarini attestatsiyadan o’tkazish va akkreditatsiya qilish sifatiga baho berishning xolis tizimini joriy qilish;
  
• 
  yangi ijtimoiyiqtisodiy sharoitlarda ta’limning talab qilinadigan darajasi va sifatini, kadrlar tayyorlash tizimining amalda faoliyat ko’rsatishi va barqaror rivojlanishning kafolatlarini ustuvorligini ta’minlovchi normativ, moddiytexnika va axborot bazasini yaratish;
  
• 
  ta’lim, fan va ishlab chiqarishning samarali integratsiyalashuvini ta’minlash, tayyorlanayotgan kadrlarning miqdori va sifatiga nisbatan davlatning talablarini, shuningdek, nodavlat tuzilmalari, korxonalar va tashkilotlarning buyurtmalarini shakllantirishning mexanizmlarini ishlab chiqish;
  
• 
  uzluksiz ta’lim va kadrlar tayyorlash tizimiga byudjetdan tashqari mablag’lar, shu jumladan, chet el investitsiyalarini jalb etishning real mexanizmlarini ishlab chiqish va amaliyotga joriy etish;
  
• 
  kadrlar tayyorlash sohasida o’zaro manfaatli xalqaro hamkorlikni rivojlantirish.
  

“Kadrlar tayyorlash milliy dasturi” o’ziga xos uzluksiz ta’limning o’zbek modeli sifatida vujudga keldi.

Ushbu maqsadni amalga oshirish uchun hal etilishi lozim bo’lgan vazifalardan biriyangi ijtimoiyiqtisodiy sharoitlarda ta’limning talab qilinadigan darajasi va sifatini, kadrlar tayyorlash tizimining amalda faoliyat ko’rsatishi va barqaror rivojlanishning kafolatlarini, ustuvorligini ta’minlovchi normativ, moddiy texnika va axborot bazasini yaratishdir. Shunday ekan, ta’limning talab qilinadigan darajasi va sifatini ta’minlamay turib, rivojlangan demokratik davlatlar darajasidagi yuksak ma’naviy va axloqiy talablarga javob beruvchi malakali kadrlar tayyorlash mumkin emas.

Ma’lumki, Kadrlar tayyorlash milliy dasturini uch bosqichda amalga oshirish ko’zda tutilgan. Birinchi bosqichda (1997-2001) asosan yangi uzluksiz ta’lim tizimi uchun me’yoriy asoslar yaratish ishlari amalga oshirildi.
Birinchi bosqichda mavjud kadrlar tayyorlash tizimining ijobiy salohiyatini saqlab qolish asosida ushbu tizimni isloh qilish va rivojlantirish uchun huquqiy ilmiyuslubiy, moliyaviymoddiy shartsharoitlar yaratish ko’zda tutildi.
Kadrlar tayyorlash milliy dasturini amalga oshirishning ikkinchi bosqichi(2001-2005)da ta’lim sifatini ta’minlashga e’tibor qaratildi.
Ikkinchi bosqichda Milliy dasturni to’la ro’yobga chiqarish, mehnat bozorining rivojlanishi va real ijtimoiyiqtisodiy sharoitlarni hisobga olgan holda unga aniqliklar kiritish mo’ljallandi.
Uchinchi bosqich (2005 va undan keyingi yillar) – to’plangan tajribalarni tahlil etish va umumlashtirish asosida, mamlakatni ijtimoiyiqtisodiy rivojlantirish istiqbollariga muvofiq kadrlar tayyorlash tizimini takomillashtirish va yanada rivojlantirish ko’zda tutilgan.
Kadrlar tayyorlash milliy modeli markazida o’quvchi, talaba, malakasini oshiruvchi – xullas «bir so’z bilan aytganda» shaxs turadi. U kadrlar tayyorlash tizimining bosh sub’ekti va ob’ekti. Ta’lim sohasidagi xizmatlarning iste’molchisi, shu bilan birga, ularni amalga oshiruvchi hamdir.
Davlat va jamiyat – esa ta’lim va kadrlar tayyorlash tizimi faoliyatini tartibga soladi va nazorat qilishni amalga oshiradi. Shu bilan birga kadrlar tayyorlash va ularni qabul qilib olishning kafili sifatida ham asosiy rol o’ynaydilar.
Model uzluksiz ta’limni amalga oshirish bilan ajralib turadi. Uzluksiz ta’lim malakali, raqobatbardosh kadrlar tayyorlashning asosi bo’lib, ta’limning barcha turlarini, davlat ta’lim standartlarini kadrlar tayyorlash tizimi tuzilmasi va uning faoliyat ko’rsatish muhitini o’z ichiga oladi. Milliy modelda fanga, uning ahamiyatini hisobga olgan holda alohida o’rin beriladi.
Fan – yuqori malakali, mutaxassislar tayyorlovchi va ulardan foydalanuvchi ilg’or pedagogik va axborot texnologiyalarni ishlab chiqadi. Kadrlar tayyorlash tizimiga ilmfanning uzviy ravishda kirib borishi nazarda tutiladi.
Kadrlar tayyorlashning pirovard natijasi, bu ishlab chiqarish (tovar va xizmatlar) uchun zarur malakali mutaxassislar tayyorlashdir.