O’zbеkiston rеspublikasi oliy va o’rta maxsus ta'lim vazirligi nizomiy nomidagi toshkеnt davlat pеdagogika univеrsitеti «geografiya»

3	4	5	6
7
1	Darsga qatnashganlik darajasi	8,0	2,0	2,0	4,0	x
2	Dars jarayonidagi faolligi, ma’ruza konspekti va ma’ruzada o’tilgan mavzularning o’zlashtirganlik darajasi	8,0	3,0	3,0	6,0	x
3	Amaliy mashg’ulot darslariga tayyorgarligi, adabiyotlardan konspekti, so’zga chiqishi, kichik guruhlarda qatnashish faolligi, dars o’tish metodlarini qo’llay bilishi hamda ularga xulosalar berish saviyasi, mustaqil ish mavzulari bo’yicha dars o’ta bilishi	6,0	3,0	3,0	6,0	x
4	Ilmiy to’garakda ma’ruza (referat) bilan chiqishi, viktorina, konkurs va talabalar konferentsiyalarida«Maxsus fanlarni o’qitish metodikasi» bo’yicha ilmiy ma’ruzalar bilan qatnashish	4,0	2,0	2,0	4,0	x
5	Gazeta va jurnallarda iqtisoliy fanlarni o’qitish metodlariga oid maqolalar bilan chiqishi	3,0	3,0	3,0	6,0	x
6	Mavzular bo’yicha multimedialar tayyorlashi, slaydlar, ko’rgazmali qurollar va tarqatma materiallar tayyorlashdagi faoliyati, «Maxsus fanlarni o’qitish metodikasi» fani bo’yicha ma’lumotlar bazasini	6,0	4,0	4,0	8,0	x

	yaratishda qatnashganligi
7	Amaliy mashg’ulot (ma’ruza) darslarida faolligi, fan bo’yicha ish o’yinlarini tashkil qilishdagi faolligi	8,0	5,0	3,0	8,0	x
8	Yakuniy baholash og’zaki so’rov, test topshiriqlari yoki yozma ish usulida amalga oshiriladi	x	x	x	x	15,0
	Jami	43,0	22,0	20,0	42,0	15,0

Talabalar bilimini reyting tizimi bo’yicha baholashning yozma ish usuli talabalarda mustaqil, ijodiy fikrlash, o’z fikrini yozma ifodalash ko’nikmalarini rivojlantiradi. Yozma ish oraliq baholash, yakuniy baholash, Yakuniy Davlat attestatsiyasi bosqichlarida amalga oshirilishi mumkin.

Yozma ish yakuniy baholash shaklida o’tkaziladigan bo’lsa, savollar kafedra tomonidan ishlab chiqilib, o’quv yili boshlanishida kafedra majlislarida muhokama etiladi va kafedra mudiri tomonidan tasdiqlanadi. Yozma ish hajmi talabaning fan bo’yicha tasavvuri, bilimi va amaliy ko’nikmasini baholash uchun etarli bo’lishi zarur. Uning hajmi kafedra tomonidan belgilanadi va fakultet kengashida tasdiqlanadi. Yozma ishlarni baholash mezonlari kafedralar tomonidan ishlab chiqiladi. Uni quyidagi misolda ko’rish mumkin.

Yozma ishlarni baholash

Talabalar «Maxsus fanlarni o’qitish metodikasi» fanidan yakuniy baholashni og’zaki so’rov, test topshiriqlari yoki Yozma ish usulida topshiradilar va ularni o’zlashtirish ko’rsatkichi 0 dan 15 ballgacha baholanadi. Mazkur fan bo’yicha o’quv rejasida belgilanganidek, «Kasb ta’limi» bakalavriat yo’nalishida IV kursning 78 semestrlarida o’qitiladi. 4kursning 8semestrida yakuniy baholash «Yozma ish» shaklida o’tkaziladi.
Agar yakuniy baholash yozma ish usulida amalga oshirilsa, sinov ko’p variantli usulda o’tkaziladi. Har bir variantda beshtadan savol bo’lib, har bir savolga tegishli javoblar yoziladi. Har bir savolga yozilgan javoblar bo’yicha o’zlashtirish ko’rsatkichi 03 ball oralig’ida baholanadi.
Yozma sinov bo’yicha umumiy o’zlashtirish ko’rsatkichini aniqlash uchun variantda berilgan savollarning har biri uchun yozilgan javoblarga qo’yilgan o’zlashtirish ballari qo’shiladi va yig’indi, talabaning yakuniy baholash bo’yicha o’zlashtirish bali hisoblanadi.

3§. O’quv jarayonini tashkil qilish, talabalar bilimini sinash va baholashda jahon amaliyotini qo’llash

Hozirgi taraqqiyot darajasi global miqyosda ta’lim tizimini tubdan o’zgartirishga, ta’lim olishning uzluksizligini ta’minlashni asosiy vazifaga aylanishiga olib keldi.
Keyingi yillarda:

1. 
   generatsiya tizimi va bilim berish murakkablashdi;
   
2. 
   mavjud bilim va axborot tizimi bir necha barobar o’sdi;
   
3. 
   bilimda eskirish tezligi yuqori;
   

Shuning uchun olingan fundamental, asosiy bilim ma’lum davrda qo’shimcha ta’lim dasturi bilan to’ldirib turilishi va malaka oshirib turilishini talab qiladi.
Ma’lumki, iqtisodiyotdagi tarkibiy o’zgarishlar o’z navbatida ishchi kuchi malakasi, mahoratini yuqori bo’lishini, ishchi kuchiga bo’lgan talabning o’zgarishiga moslashuvchan, o’z malakasini oshirishga intiluvchan bo’lishni talab etadi. Mehnat bozori ishchi kuchini moslashuvchanligiga alohida talablar qo’yadi. Shuning uchun jahon tajribasida:

• 
  o’qish va ish jarayonini yaqinlashtirish va moslashuvchanligini ta’minlash, ularni birbiri bilan bog’lash;
  
• 
  ishchi kuchi safarbarligini orttirish;
  
• 
  ta’lim berish va bandlikning moslashuvchan shakllarini qo’llash;
  
• 
  ish vaqti va ta’lim vaqtini bog’lash, ta’lim vaqti muddatiga va boshqalarga e’tibor berilmoqda.
  

Talabalarning intellektual qobiliyatlarini rivojlantirish, mustaqil tanlash va qaror qabul qilish ko’nikmasini hosil qilish ob’ektiv zaruriyatga aylandi.
Buning uchun talabalarni mustaqil izlanish, fikrlash, turli qarashlarni taqqoslash, tahlil qilish, xulosa chiqarishga o’rgatish lozim. Shuning uchun jahon pedagogikasida e’tibor talabalarda ana shu xislatlarni hosil qilish va tarbiyalashga qaratildi. Tajriba talabalarda aynan ana shu xislatlar, ko’nikmalarni hosil qilishda dars berishning interaktiv metodlarini qo’llash ijobiy natija berishini ko’rsatdi. Bu uslublar dars o’tishni dialog tarzida amalga oshirishga, ayniqsa, talabalarni darsga faol qatnashishlarini ta’minlashga qaratilgan. Jahon tajribasida o’qituvchi yuqori darajada darsni tashkil qilishi, bilimi, talabalarni o’z faniga qiziqtira olishi, shu fanning tayyorlanayotgan mutaxassislik bo’yicha naqadar zarurligi jihatidan raqobat qila olishiga katta e’tibor beriladi. O’qituvchining asosiy vazifasi:

1. 
   Talabalarni mustaqil ishini tashkil etish, ularni semestr davomida o’z ustida ishlashga o’rgatish.
   
2. 
   Turlicha dars berish metodlarini qo’llab, talabalarni darsga faol qatnashishlarini ta’minlash.
   

Talabalarni mustaqil ishini tashkil qilish va o’z ustida uzluksiz ishlashi, izlanishini ta’minlashda jahon tajribasida «Sillabus (Syllabus)» muhim o’rin tutadi. Sillabus bu o’qituvchi bilan talaba o’rtasidagi shartnomadir. Sillabusda kafedra tomonidan: a) fan bo’yicha albatta o’rganilishi zarur bo’lgan mavzular ko’rsatilishi mumkin;
b) o’qituvchilar dasturda ko’rsatishlari shart bo’lgan komponentlarni aniqlab berishi mumkin. Boshqa topshiriqlarni o’qituvchining o’zi belgilaydi.
Sillabusda ko’rsatilishi shart bo’lgan komponentlar:

1. 
   O’qituvchi haqida ma’lumot (O’qituvchining ismi, sharifi, kafedrada bo’ladigan vaqtlari, muloqotda bo’lish uchun boshqa axborotlar).
   
2. 
   Fan haqida ma’lumot: fanning va mutaxassislikning nomi, fanga ajratilgan soatlar, ma’ruza, amaliy(seminar) mashg’ulot, laborotoriya ishiga ajratilgan soatlar, qaysi semestrda o’tilishi va dars o’tiladigan auditoriya.
   
3. 
   O’rganilayotgan fanni o’zlashtirish uchun zarur bo’lgan bilim va ko’nikmalar majmuasi.
   
4. 
   Mazkur fanni o’rganib bo’lgach, talabaning bilim darajasi, ko’nikma va xabardor sohalari doirasi.
   
5. 
   O’qitiladigan fan haqida qisqacha ma’lumot, uning maqsadi va vazifalari.
   
6. 
   Ma’ruza, seminar(amaliy), mashg’ulot mavzulari, ularga ajratilgan soatlar. Mavzular bo’yicha mustaqil ravishda bajarilishi lozim bo’lgan topshiriqlar.
   
7. 
   Adabiyotlar ro’yxati: asosiy adabiyotlar va qo’shimcha adabiyotlar, jumladan, elektron adabiyotlar, matbuot nashrlari, internet manbalari;
   
8. 
   Baholash bo’yicha axborotlar: bilimni baholash shkalasi, mezonlari, ularni bajarishga bo’lgan talablar (rubrikatsiya jadvali);
   
9. 
   Baholash jarayoni va siyosati. U o’z ichiga quyidagilarni oladi:
   

• 
  barcha ishlarni baholash qoidalari(maksimal ball, rag’batlantiruvchi va shtraf ballari);
  
• 
  imtixon, yakuniy baholashning mezonlari;
  
• 
  yakuniy baholash va uni appelyatsiya qilishning qoidalari;
  
• 
  darsga kechikib kelish, auditoriyada o’zini tutish, berilgan topshiriqni muddatida bajarmaslik, imtixonda qatnashmaslik oqibatlari.
  

Har bir talaba yil boshidan o’z faoliyatini sillabus asosida tashkil etadi.
Hozir O’zbekistonda ham jahon tajribasidan kelib chiqqan holda o’quv jarayoniga uning ayrim elementlarini tatbiq etishga harakat qilinayapti. USAID CAR dasturi bo’yicha seminar qatnashchilari bo’lgan o’qituvchilar bu borada o’z tajribalari bilan o’rtoqlashmoqdalar. Albatta talabalar faoliyatini «Sillabus o’qituvchi bilan talaba o’rtasida shartnoma» asosida tashkil etish ularni chuqur bilim olishlari, puxta malakaga ega bo’lishlariga yordam beradi. Lekin uni tom ma’noda qo’llash talabalarda tanlov asosida o’tiladigan fanlar, kurslarni, dars beradigan o’qituvchilarni o’zlari tanlash imkoniyatiga ega bo’lishlarini taqozo qiladi. Lekin hozircha buning uchun imkoniyat etarli emas.