TSL ta’lim muassasasiga o‘zining faoliyati, hamda imkoniyatlarini tahlil qilish orqali samarali faoliyat yuritish imkoniyatini beradi. Total Quality Management (TQM) nuqtai nazaridan ta’lim sifatini ta’minlashga yangi yondoshuv ta’lim dasturlarini takomillashtirish va jamiyat ehtiyojlarini qondirish mamlakat iqtisodiyotining zamonaviy rivojlanish bosqichi talablariga javob bera oladigan mutaxassislarni tayyorlash maqsadida ta’lim xizmatlarini taqdim etishdan iborat Xalqaro ta’lim maydonida ta’lim sifatini ta’minlashning 3 ta asosiy tizimi amal qilmoqda:
Sifatni baholash tizimi Akkreditatsiya tizimi Sifatni audit qilish tizimi
Ta’lim sifati menejmenti tizimi ISO 9000 seriyasidagi asosiy standart ta’lim sifati menejmentining sakkizta tamoyilini to‘la qamrab oladi:
1. Iste’molchiga yo‘naltirilgan. Tashkilot o‘z iste’molchilari bilan bog‘liq va shuning uchun ularning joriy va kelgusi ehtiyojlarini tushunishlari, ularning talablarini bajarish va kutilganidan ortig‘iga erishishlari lozim.
2. Rahbarning yetakchiligi. Rahbarlar tashkilot faoliyatining maqsad va yo‘nalishlari birligini ta’minlaydilar. Ular sifatni oshirishga butun jamoani jalb etish bo‘yicha motivatsiyalar tizimini, ichki muhitni yaratish va saqlashlari lozim.
3. Ishchilarni jalb etish. Ushbu faoliyatga nafaqat tarkibiy bo‘linma rahbarlari, balki barcha darajadagi ishchilar jalb etilishi lozim.
4. Jarayonli yondashuv. Faoliyat va tegishli resurslar jarayon sifatida boshqarilsa, kutilgan natijaga erishish samaraliroq bo‘ladi.
5.Menejmentga tizimli yondashuv. O‘zaro bog‘liq jarayonlar menejmenti, aniqlanishi, tushunilishi tizim sifatida uning maqsadlariga erishishda faoliyatning natijaviyligi va samaradorligini ta’minlaydi.
6. Butun tashkilot faoliyatini muntazam ravishda yaxshilanishini o‘zgarmas maqsad sifatida ko‘rib chiqish lozim.
7. Dalillarga asoslangan qarorlar qabul qilinishi. Samarali qarorlar ma’lumot va axborotlarning tahlili, doimiy ravishda asoslangan boshqaruv qarorlarini qabul qilish, tahlil va monitoringini olib borishga asoslanadi.
Ta’minotchilar bilan o‘zaro foydali munosabatlar. Standartda ta’lim muassasalarida ISO 9001:2000 talablarini tatbiq etish bo‘yicha asosiy ko‘rsatmalar va ta’lim sifatini boshqarish bilan bog‘liq izohlar keltirilgan bo‘lib quyidagi maqsadlarni ko‘zlaydi:
–ta’lim tartibotlarini standartlashtirish;
– boshqaruv jarayonining doimiy monitoringi, ta’lim jarayoni uchun
zarur hujjatlar yuritilishini ta’minlash;
– ta’lim sohasida davlat talablari bajarilishini kafolatlash;
– ta’lim xizmatlari sifatini, o‘qituvchilar tarkibi sifatini hamda
ta’lim mazmuni sifatini kafolatlash.
