O’zbekiston respublikasi oliy va o’rta maxsus ta’lim vazirligi nizomiy nomidagi toshkent davlat pedagogika universiteti ta’lim menejmenti

ISO 9001 Xalqaro standartlashuv bo‘yicha ta’lim muassasasi bugungi kunda ta’lim sifatini ta’minlash jarayonlarida qanday siyosat olib borishlari kerak?
1. O‘O‘TMning sifatni ta’minlash siyosati va yondashuvi. Bunda har
O‘O‘TM o‘quv dasturi bo‘yicha standartlarga, ta’lim sifatini ta’minlash yondashuviga va eng muhimi sifat bo‘yicha o‘zining pozitsiyasi va siyosatiga ega bo‘lishi kerak. Buning uchun doimo yondashuv va strategiyani qayta tahlil qilish, uning natijasini faqat sifatni yaxshilashga yo‘naltirish kerakki, shu asnoda jamoatchilik uchun ochiqlikni aks etirib, tanishish imkoniyatini beruvchi sifatni boshqarish tizimini tashkil etish darkor.
2. Malaka talablari va baholash dasturlari monitoringi, tasdiqlash. O‘O‘TMlarning Davlat akkreditatsiyasi va yo‘nalish tayyorgarligi talablari asosida har bir O‘O‘TM tasdiq uchun alohida nizom ishlab chiqishi, taklif etilayotgan o‘quv dasturlari bo‘yicha davriy baholashni o‘tkazishi kerak.
3. O‘quvchilarning bilim darajalarini baholash. O‘quvchilar uzviy ravishda, ketma-ketlikda avvaldan e’lon qilingan nazorat turlari bo‘yicha baholanib borishi kerak.
4. O‘qituvchilar tarkibi sifati kafolati. Ta’lim muassasasi o‘qituvchilar kompetentligini baholash mexanizmi va mezonlarini ishlab chiqishi kerak. Mezonlar muassasa ish faoliyatiga to‘la mos kelishi, muassasaning tashqi faoliyati xususiyatlarini ham hisobga olishi zurur.
5. Ta’lim resurslari va talabalarni qo‘llab-quvvatlash tizimi.
Ta’lim muassasasi taklif etilayotgan o‘quv dasturi bo‘yicha ta’lim resurslarining talabalar salmog‘iga mosligi, uning mazmunini o‘quv dasturlariga mosligini kafolatlashi kerak. Shuningdek, davlat talablari asosida ta’lim xizmatlari ko‘rsatishni amalga oshirishi kerak.
6. Jamoatchilik bilan hamjihatlik. O‘O‘TM davriy ravishda o‘zi tayyorlayotgan kadrlar sifati bo‘yicha, ularning zamonaviy bilimlar bo‘yicha ta’lim olayotganligi, salmog‘i, sifati o‘quv dasturlari bo‘yicha amalga joriy etilayotgan yangilik haqida ommaviy axborot vositalarida ma’lumotlar berish talab etiladi.
Sifatni boshqarish bo‘yicha umume’tirof etilgan dunyo tajribasi ISOning 9001-9004 seriyali standartlarida umumlashtirilgan va markazlashtirilgan. Bu seriyalar ISO tomonidan 1987 yil mart oyida qabul qilingan. 1994 va 2000 yillarda ushbu standartlarga o‘zgartirishlar kiritilib, yangilangan. Bu standartlar 2 ta muhim strategik maqsadlarni – sifat menejmenti taraqqiyotini va iste’molchilar huquqlarini himoya qilishni o‘zida mujassam etgan.