O’zbekiston respublikasi oliy va o’rta maxsus talim vazirligi samarqand iqtisodiyot va servis instituti a. Yu. Xudoyberdiyev turistlar xavfsizligini ta’minlash oliy talimning 810000 – «Xizmat ko’rsatish»

qilish va xavfsizligini ta’minlash haqidagi qonunlar, turistik diqqatga sazovor 
joylar va obyektlar xavfsizligi doimo boshqa qonunchilik choralari bilan birga
ishlab chiqilishi zarur. Misol uchun, O’zbekistonda turizm bilan bog’liq faoliyat
nafaqat turizm to’g’risidagi qonun bilan, balki alohida qo’riqlanadigan tabiiy
hududlar, o’rmon to’g’risidagi, korxonalar to’g’risidagi, tashqi iqtisodiy faoliyat
to’g’risidagi, reklama to’g’risidagi, ommaviy axborot vositalari to’g’risidagi,
iste’molchilar huquqlarini himoya qilish to’g’risidagi, u yoki bu xizmatlarga davlat
standarti, jinoyat, Soliq, Bojxona kodekslari va boshqa me’yoriy hujjatlar bilan
muvofiqlashtirilib turiladi.
Ayrim baholar bo’yicha o’zbek turizmi faoliyatida to’g’ridan-to’g’ri
elliktagacha huquqiy hujjatlar jalb etiladi, ular qatorida qonunlar va hukumat
qarorlari bor.
Bundan tashqari, Butunjahon turistik tashkiloti o’z hujjatlarida doimiy ravishda
ko’pgina mamlakatlarga maxsus organ tuzishni tavsiya qiladi. Qaysikim, bu organlar
zimmasiga milliy siyosatning bir qismini yuritish va turistlarni himoya qilish va
xavfsizligini ta’minlashni yuklash mumkin. Ayniqsa, turistik diqqatga sazovor
hududlarda epidemiya tarqalishini oldini olish, terrorizmga qarshi kurash,
sayohatchilarga va ularning buyumlariga xatar tug’diruvchi jinoyatchilikni
jilovlashda bunday organ xizmati asqotishi mumkin.
O’zbekistonda Vazirlar Mahkamasi qoshidagi turizmni rivojlantirish 
bo’yicha Muassasalararo kengash xuddi shunday tashkilot hisoblanadi. Uning
tarkibiga “O’zbekturizm” milliy kompaniyasi (milliy turistik ma’muriyat huquqi
11

---

---

bilan), Ichki ishlar vazirligi, Tashqi ishlar vazirligi, Moliya vazirligi, Davlati bojxona

qo’mitasi, Davlat soliq qo’mitasi, Sog’liqni saqlash vazirligi va boshqalar keltirilgan.
Bundan tashqari, asosiy tavakkalchilik hollarida turistlarni bazaviy sug’urta
ta’minoti bo’yicha barcha zarur choralarni ko’rish lozim bo’ladi. Bu ular duch
keladigan (kasallik, o’g’irlik, repatriasiya) ko’ngilsizliklarni bartaraf etish, xususan,
sug’urta kompaniyalari o’rtasida shu sohadagi bitimlarni rag’batlantirish, boshqa
manfaatdor turistik kompaniyalar, (aholi, hokimiyat)ni bunga jalb etish imkonini
beradi. Turistlarni yetarli darajada past narxlarda sug’urta bilan ta’minlanishiga
sharoit yaratadi.