O‘zbekiston respublikasi oliy va o‘rta maxsus ta’lim vazirligi samarqand davlat universiteti

 
O‘zbekiston Respublikasi
Prezidenti Sh. MIRZIYOYEV 
Toshkent sh., 2018-yil 3-iyul, PQ-3832-son 
(Qonun hujjatlari ma’lumotlari milliy bazasi, 04.07.2018-y., 
07/18/3832/1452-son) 

---

346 
Ilova 4 
O‘ZBEKISTON RESPUBLIKASI PREZIDENTINING 
QARORI 
“RAQAMLI ISHONCH” RAQAMLI IQTISODIYOTNI 
RIVOJLANTIRISHNI QO‘LLAB-QUVVATLASH 
JAMG‘ARMASINI TASHKIL ETISH TO‘G‘RISIDA 
Raqamli iqtisodiyotni rivojlantirishning eng ustuvor yo‘na-
lishlarida investitsiyaviy, moliyaviy va boshqa resurslarni 
birlashtirish maqsadida, shuningdek, O‘zbekiston Respublikasi 
Prezidentining 2018-yil 3-iyuldagi “O‘zbekiston Respublikasida 
raqamli iqtisodiyotni rivojlantirish chora-tadbirlari to‘g‘risida”gi 
PQ-3832-son qaroriga muvofiq: 
1. O‘zbekiston Respublikasi Prezidenti huzuridagi Loyiha 
boshqaruvi milliy agentligining (keyingi o‘rinlarda Agentlik deb 
yuritiladi) davlat muassasasi shaklidagi “Raqamli ishonch” 
raqamli iqtisodiyotni rivojlantirishni qo‘llab-quvvatlash jamg‘ar-
masini (keyingi o‘rinlarda — Jamg‘arma) tashkil etish to‘g‘ri-
sidagi taklifiga rozilik berilsin. 
2. Quyidagilar Jamg‘armaning asosiy vazifalari etib belgi-
lansin: 
raqamli iqtisodiyotni rivojlantirish sohasidagi, shu jumladan 
“blokcheyn” texnologiyalarini joriy etish bilan bog‘liq loyihalarni 
davlat-xususiy sheriklik shartlarida amalga oshirish uchun 
investorlarning mablag‘larini jalb etish va birlashtirish; 
davlat-xususiy sheriklik shartlarida raqamli iqtisodiyotni 
rivojlantirish, shu jumladan kripto-aktivlar aylanmasi va kripto-
birjalar faoliyati sohasidagi eng istiqbolli va strategik muhim 
loyihalarni amalga oshirish, shuningdek, “blokcheyn” texnolo-
giyalarini ishlab chiqish va joriy etish sohasida kadrlar tayyorlash 
bo‘yicha o‘quv tadbirlari va boshqa tadbirlarni o‘tkazish; 
raqamli iqtisodiyotni, shu jumladan “blokcheyn” texnolo-
giyalarini joriy etish va kripto-aktivlar aylanmasi uchun platfor-
malar tashkil etish hisobiga yanada rivojlantirish borasidagi, 

---

347 
ayniqsa, 
yoshlarning 
tashabbuslari 
(startaplari)ni 
qo‘llab-
quvvatlash; 
kripto-aktivlar aylanmasi va “blokcheyn” texnologiyalari 
sohasida yetakchi xorijiy va xalqaro tashkilotlar bilan hamkorlikni 
tashkil etishda, shu jumladan yuqori malakali chet el 
mutaxassislarini jalb etishda texnik ko‘makni ta’minlash. 
3. Kuyidagilar Jamg‘arma mablag‘larini shakllantirishning 
manbalari etib belgilansin: 
Agentlik va uning bo‘ysunuvidagi tashkilotlarning Agentlik 
direktori tomonidan belgilanadigan miqdordagi ajratmalari; 
xalqaro moliya tashkilotlari va institutlarining grantlari va 
kreditlari; 
jismoniy va yuridik shaxslar, shu jumladan chet el jismoniy 
va yuridik shaxslarining homiylik xayriyalari; 
yuridik shaxslar ustav kapitali (ustav fondi)da Jamg‘armaga 
tegishli 
aksiyalar 
(ulushlar, 
paylar) 
bo‘yicha 
olinadigan 
daromadlar; 
davlat-xususiy sheriklik shartlarida loyihalarni amalga 
oshirishdan olinadigan daromadlar; 
Jamg‘armaning vaqtincha bo‘sh turgan mablag‘larini 
banklarga joylashtirishdan olinadigan daromadlar; 
qonun hujjatlari bilan taqiqlanmagan boshqa daromadlar. 
4. Belgilab qo‘yilsinki, Jamg‘armaning mablag‘laridan 
quyidagi maqsadlarda foydalaniladi: 
raqamli iqtisodiyotni rivojlantirish sohasidagi, shu jumladan 
“blokcheyn” texnologiyalarini joriy etish, kripto-aktivlar 
aylanmasini va kripto-birjalar faoliyatini tashkil etish bo‘yicha 
loyihalarni davlat-xususiy sheriklik shartlarida moliyalashtirish; 
raqamli iqtisodiyotni rivojlantirish sohasidagi loyihalarni 
amalga oshirish doirasida tuziladigan yuridik shaxslarning, shu 
jumladan O‘zbekiston Respublikasi norezidentlarining ustav 
kapitali (ustav fondi)dagi aksiya va ulushlarni sotib olish; 
raqamli iqtisodiyotni rivojlantirish sohasidagi loyihalarni 
amalga oshirish uchun zarur bo‘lgan tovarlar (ishlar, xizmatlar), 
ko‘chmas mulk obyektlari, transport vositalari va boshqa mol-
mulkni sotib olish; 

---

348 
raqamli iqtisodiyotni rivojlantirish sohasidagi tashabbuslar 
(startaplar)ni moliyalashtirish va qo‘llab-quvvatlashni tashkil etish 
uchun grantlar va kredit liniyalarini ajratish; 
raqamli iqtisodiyotni rivojlantirish sohasida, shu jumladan 
xorijda o‘tkaziladigan o‘quv tadbirlari, konferensiyalar, semi-
narlar va boshqa tadbirlarni tashkil etish va ularda ishtirok etish 
bilan bog‘liq xarajatlarni moliyalashtirish, shuningdek, iqtidorli 
talabalar va yosh mutaxassislarni qo‘llab-quvvatlash uchun 
stipendiya va grantlar ajratish; 
Jamg‘arma ijro etuvchi direksiyasini moddiy-texnik ta’min-
lash, uning xodimlari mehnatiga haq to‘lash va ularni moddiy 
rag‘batlantirish; 
Jamg‘arma tomonidan raqamli iqtisodiyotni rivojlantirish 
sohasida amalga oshiriladigan loyihalar doirasida jalb etiladigan 
yuqori malakali chet el mutaxassislari xarajatlarini (mehnatga haq 
to‘lash, transport xarajatlari va boshqalar) ular bilan tuziladigan 
shartnomalar (kontraktlar) asosida moliyalashtirish; 
O‘zbekiston Respublikasi Prezidentining qarorlariga asosan 
respublikani ijtimoiy-iqtisodiy rivojlantirish bilan bog‘liq boshqa 
maqsadlar. 
5. “Raqamli ishonch” raqamli iqtisodiyotni rivojlantirishni 
qo‘llab-quvvatlash jamg‘armasining kengashi (keyingi o‘rinlarda 
— Kengash) 1-ilovaga muvofiq tarkibda tashkil etilsin. 
Kengash bir oy muddatda O‘zbekiston Respublikasida 
raqamli iqtisodiyotni rivojlantirish bo‘yicha, shu jumladan 
“blokcheyn” texnologiyalarini quyidagilarda bosqichma-bosqich 
joriy etishni nazarda tutgan holda “yo‘l xaritasini” ishlab chiqsin 
va tasdiqlasin: 
markazlashtirilgan manbalar hisobidan moliyalashtiriladigan 
davlat va hududiy dasturlarning investitsiya loyihalari amalga 
oshirilishini monitoring qilishda; 
O‘zbekiston Respublikasi Davlat budjetiga mablag‘lar 
tushishi va ularning sarflanishini, davlat organlarida to‘lov 
intizomiga rioya etilishini nazorat qilishda; 
sog‘liqni saqlash, ijtimoiy ta’minot, ta’lim va madaniyat 
sohalarida 
ijtimoiy 
xizmatlar 
ko‘rsatishda, 
shuningdek, 

---

349 
ajratilayotgan budjet mablag‘larining taqsimlanishini monitoring 
qilishda; 
davlat organlari faoliyatini tashkil etishda, shu jumladan 
idoralararo hamkorlikda, davlat xaridlarini amalga oshirishda, 
davlat xizmatlarini ko‘rsatishda, shaxs to‘g‘risidagi ma’lumotlarni 
verifikatsiya qilishda; 
davlat kadastrlari, reyestrlari, klassifikatorlari va boshqa 
ma’lumotlar bazalarini yuritishda, shu jumladan ularga kiritilgan 
axborotning dolzarbligini ta’minlash va undan foydalanishda; 
ustav kapitali (ustav fondi)da davlat ishtiroki yuqori bo‘lgan 
yirik tijorat tashkilotlarida, shu jumladan biznes jarayonlarini 
takomillashtirish, ishlab chiqarish, ma’muriy va operatsion 
jarayonlarni optimallashtirish, shuningdek, zamonaviy menejment 
va resurslarni boshqarishni joriy etish maqsadida korporativ 
boshqarishda; 
bank va moliya sektorlarida tranzaksiya operatsiyalarini, shu 
jumladan kliring operatsiyalari, elektron to‘lovlar, sug‘urtalash, 
savdoni moliyalashtirish (akkreditiv) va loyihalarni kreditlashni 
monitoring qilishda. 
6. Belgilab qo‘yilsinki: 
Jamg‘arma 
o‘zining mustaqil balansiga, O‘zbekiston 
Respublikasining tijorat banklarida milliy va xorijiy valyutadagi 
hisobraqamlariga, Davlat gerbi tasviri tushirilgan va o‘z nomi 
yozilgan muhrga ega; 
investorlarni tanlash mezonlari, shuningdek, raqamli iqtiso-
diyotni rivojlantirish sohasidagi loyihalarni amalga oshirishda 
davlat-xususiy sheriklik shartlari Kengash tomonidan belgilanadi; 
Jamg‘armaning mablag‘larini shakllantirish va ulardan 
foydalanish tartibi Kengash tomonidan tasdiqlanadi; 
Jamg‘armaning mablag‘larini joylashtirish bo‘yicha barcha 
operatsiyalar Agentlik bilan kelishilgan holda amalga oshiriladi; 
Jamg‘armaning joriy faoliyatiga rahbarlik Agentlik direktori 
lavozimga tayinlaydigan va lavozimdan ozod qiladigan direktor 
rahbarligidagi ijro etuvchi direksiya tomonidan amalga oshiriladi; 
Jamg‘arma tomonidan jalb etiladigan grantlarga texnik ko‘-
maklashish mablag‘lari hisobiga amalga oshirish uchun nazarda 

---

350 
tutiladigan loyiha takliflarini ishlab chiqish va kelishish tartibi 
tatbiq etilmaydi; 
Jamg‘arma mablag‘larining maqsadli foydalanilishi ustidan 
nazorat Agentlik tomonidan amalga oshiriladi. 
7. Jamg‘armaga: 
tovarlar (ishlar, xizmatlar) yetkazib beruvchilar va ularning 
rasmiy dilerlari (distribyutorlari) bilan “blokcheyn” texnolo-
giyalarini joriy etish va amalga oshirilayotgan loyihalar uchun 
zarur uskunalar, texnika va materiallar, ehtiyot qismlari, dasturiy 
mahsulotlar, butlovchi buyumlarni yetkazib berish bo‘yicha eng 
yaxshi takliflarni tanlab olish asosida shartnomalar tuzishga; 
yuqori malakali chet el mutaxassislarini ishga qabul qilish va 
ularga Agentlik bilan kelishilgan miqdorda erkin konvertatsiya 
qilinadigan valyutada ish haqi va boshqa to‘lovlar belgilashga; 
xorijiy oliy ta’lim muassasalarini tamomlagan tegishli 
yo‘nalishdagi mutaxassislarga nisbatan xizmatchilarning asosiy 
lavozimlari va ishchilar kasblarining klassifikatorini ishga qabul 
qilishda xodimlar ma’lumotining eng past darajasi, ishchilar 
kasblari bo‘yicha malaka razryadlarini belgilash yuzasidan 
qo‘llamaslikka ruxsat berilsin. 
8. Agentlik (D.R. Li): 
ikki hafta muddatda Jamg‘armaning ta’sis hujjatlari, ijro 
etuvchi direksiyasi tuzilmasi va shtatlar jadvalini tasdiqlasin; 
bir oy muddatda Jamg‘armaning faoliyatini tashkil etish, shu 
jumladan mebel, kompyuter texnikasi, aloqa vositalari va boshqa 
zarur moddiy-texnika resurslari bilan ta’minlash choralarini 
ko‘rsin; 
ikki oy muddatda Jamg‘arma ijro etuvchi direksiyasining 
zarur nazariy bilim va amaliy ko‘nikmalarga ega, Jamg‘armaga 
yuklatilgan vazifalarni professional darajada bajarishga qodir 
yuqori malakali mutaxassislar bilan to‘ldirilishini ta’minlasin. 
9. Quyidagilar 2021-yil 1-iyulga qadar muddatga: 
Jamg‘arma yagona ijtimoiy to‘lovlardan tashqari barcha 
turdagi soliqlar va majburiy to‘lovlar to‘lashdan; 
O‘zbekiston Respublikasida ishlab chiqarilmayotgan, 
Jamg‘arma tomonidan uning zimmasiga yuklatilgan vazifalarni 

---

351 
amalga oshirish doirasida, shuningdek, o‘z ehtiyojlari uchun 
belgilangan tartibda shakllantiriladigan ro‘yxatlar bo‘yicha olib 
kelinadigan tovarlar bojxona to‘lovlari to‘lashdan (bojxona 
rasmiylashtiruvi uchun yig‘imlardan tashqari) ozod qilinsin. 
Belgilansinki, Jamg‘arma tomonidan o‘z faoliyati, shu 
jumladan amalga oshirayotgan loyihalar doirasida yuridik va 
jismoniy shaxslarga beg‘araz asosda beriladigan tovarlar (ishlar, 
xizmatlar) ularni oluvchi tomonda yuridik shaxslarning foyda 
solig‘i, yagona soliq to‘lovi va jismoniy shaxslar daromadidan 
olinadigan soliq bo‘yicha soliqqa tortish obyekti hisoblanmaydi. 
10. Agentlik hamda O‘zbekiston Respublikasi Axborot 
texnologiyalari va kommunikatsiyalarini rivojlantirish vazirligi-
ning Axborot texnologiyalari va kommunikatsiyalarini rivojlan-
tirish vazirligi huzuridagi “Ni-tech city” xalqaro yuqori texno-
logiyali innovatsion markazi hududida yangi obyektlarni qurish va 
ulardan foydalanish direksiyasi” davlat unitar korxonasini 
Agentlikka beg‘araz o‘tkazish hamda uning nomini O‘zbekiston 
Respublikasi Prezidenti huzuridagi Loyiha boshqaruvi milliy 
agentligi qoshidagi “Delta city” xalqaro yuqori texnologiyali 
innovatsion markazi hududida yangi obyektlarni qurish va ulardan 
foydalanish direksiyasi” davlat unitar korxonasiga o‘zgartirish 
to‘g‘risidagi takliflari ma’qullansin. 
“Delta city” xalqaro yuqori texnologiyali innovatsion 
markazi hududida yangi obyektlarni qurish va ulardan foydalanish 
direksiyasi” davlat unitar korxonasining faoliyatini moliyalash-
tirish manbalaridan Axborot-kommunikatsiya texnologiyalarini 
rivojlantirish jamg‘armasi mablag‘lari chiqarib tashlansin. 
O‘zbekiston Respublikasi Axborot texnologiyalari va 
kommunikatsiyalarini rivojlantirish vazirligi Xususiylashtirilgan 
korxonalarga ko‘maklashish va raqobatni rivojlantirish davlat 
qo‘mitasi bilan birgalikda bir oy muddatda “Delta city” xalqaro 
yuqori texnologiyali innovatsion markazi hududida yangi 
obyektlarni qurish va ulardan foydalanish direksiyasi” davlat 
unitar 
korxonasining 
belgilangan 
tartibda 
Agentlikka 
o‘tkazilishini ta’minlasin. 

---

352 
11. O‘zbekiston Respublikasi Ichki ishlar vazirligi Jamg‘ar-
ma ijro etuvchi direksiyasining buyurtmanomalariga binoan 
Jamg‘arma tomonidan amalga oshiriladigan loyihalar doirasida 
jalb etiladigan chet el mutaxassislariga davlat boji undirilmasdan 
ko‘p martalik vizalar rasmiylashtirilishi, berilishi va ularning 
muddati uzaytirilishini, shuningdek, ularning vaqtincha propiska 
qilinishini, turar joyi bo‘yicha hisobga olinishini hamda vaqtincha 
propiska va turar joyi bo‘yicha hisobga olish uzaytirilishini 
ta’minlasin. 
12. Jamg‘arma Toshkent shahri, I. Karimov ko‘chasi, 1-uyga 
beg‘araz foydalanish huquqi asosida joylashtirilsin. 
13. O‘zbekiston Respublikasi Prezidentining ayrim hujjat-
lariga 2-ilovaga muvofiq o‘zgartish va qo‘shimchalar kiritilsin. 
14. Agentlik boshqa manfaatdor vazirlik va idoralar bilan 
birgalikda bir oy muddatda qonun hujjatlariga ushbu qarordan 
kelib chiqadigan o‘zgartish va qo‘shimchalar to‘g‘risida takliflar 
kiritsin. 
15. Mazkur qarorning ijrosini nazorat qilish O‘zbekiston 
Respublikasi 
Prezidenti 
Administratsiyam 
rahbari 
Z.Sh. 
Nizomiddinov, O‘zbekiston Respublikasi Prezidenti huzuridagi 
Loyiha boshqaruvi milliy agentligi direktorining birinchi 
o‘rinbosari D.R. Li va O‘zbekiston Respublikasi Prezidenti 
maslahatchisining birinchi o‘rinbosari B.M. Mavlonov zimmasiga 
yuklansin.