O’zbekiston respublikasi oliy va o’rta maxsus ta‘lim vazirligi termiz davlat universiteti milliy libos va san’at fakul’teti

Mustaqil ta’lim topshiriqlari.

1. 
   Mehnat ta’limi o’qituvchisining metodik ishlarining individual rejasini tuzish.
   
2. 
   Mehnat ta’limi yo’nalishlariga oid mavzular bo’yicha tarqatma materiallar tayyorlash (o’qituvchi tomonidan berilgan topshiriq variantlari asosida).
   

25-Mavzu:Sinfdan va maktabdan tashqari
ishlarni tashkil qilish
Reja:

1. 
   Maktab sharoitida to'garaklar tashkil qilish.
   
2. 
   Sinflar, maktablar, tumanlararo ko'rgazmalarni tashkil qilish metodikasi.
   
3. 
   Maktabdan tashqari to'garaklarga jalb qilish.
   
4. 
   Fan olimpiadalariga tayyorgarlik ko’rish va uni o'tkazish.
   

Tayanch iboralar: Maktab. To’garak. Maktabdan va sinfdan tashqari ishlar. Fan olimpiadalari. Tanlovlar
Umumiy o’rta ta’lim maktablarida sinfdan tashqari ishlarni tashkil etishning asosiy maqsadi - o’quv -tarbiya jarayonini samarali amalga oshirish o’quvchilarning darsdan tashqri vaqtlarini unumli o’tkazish, mehnat ta’limi va kasb tanlashga yo’llash faniga qiziqtirishdan iborat.
Sinfdan tashqari ishlarga quyidagilar kiradi.

1. 
   To’garaklarni tashkil etish.
   
2. 
   Ko’rgazmalarni tashkil etish.
   
3. 
   Fan olimpiadalarini o’tkazish.
   

To’garak ishlarining rejalarini tuzish.
Umumiy o’rta ta’lim maktablarida bichish-tikish to’garagi rahbarlarini tayyorlash orqali loyihalovchi rassom, tikuvchi, bichuvchi kasblariga qiziqishi bor bo’lgan o’quvchilarga yordam beriladi. Umumta’lim maktablarida mehnat ta’limi fanining maqsadi o’quvchilarni aqliy va jismoniy mehnat turlari, jarayonlari hamda kasblari bilan dastlabki tanishtirish, kasb tanlashga tayyorlash, ularda mehnatni qadrlash, mehnatga qiziqish, mehnatsevarlikni shakllantirish orqali ularning kasbgacha tayyorgarliklarini amalga oshirishdan iborat. Mehnat ta’limi jarayonida olgan bilimlarni mustahkamlash, ularning bo’sh vaqtlarining to’g’ri, rejali o’tishini ta’minlash va tikuvchi-bichuvchi kasblarini egallashlarida to’garaklarning vazifasi katga.
Tikuvchi-bichuvchi kasbini egallash orqali qizlarimizni hayotga tayyorlashdek zarur vazifa bajariladi, chunki har bir ayol tikuvchilik sirlarini bilishi albatta kerak. Tikuvchilik kasbi eng sharafli kasblardan biri hisoblanadi, axir hech bir sanoat yoki odam yo’qki bu kasb xizmatidan foydalanmasin. Bichish-tikishni o’rgatish uslubiyoti tikuvchi kasbi to’garagi tashkilotchisi tayyorlashda mutaxassislik fani hisoblanadi. Bu fanning asosiy maqsadi bo’lajak to’garak rahbarlariga bichish-tikish to’garagi davomida tikuvchilik kasbi sirlarini, ularni har tomonlama tarbiyalashni o’rgatishda zarur bo’lgan bilim, ko’nikma, malakalarni hosil qilish yo’l-yo’riqlarini o’rgatishdir. Fanning asosiy vazifasi bo’lajak to’garak rahbarlariga tikuvchilik ustaxonasining moddiy bazasi, jihozlanishi, kiyimlarni tikishda qo’llaniladigan ish turlarini bajarish va kiyimda qo’llash, yengil kiyimlarning xillari va ularni tikish jarayonlarini o’rgatishda qo’llaniladigan yo’l-yo’riqlarni o’rgatadi.
Boshqacha qilib aytganda, har bir to’garak tashkilotchisi tikuvchilik mutaxassislign tavsifnomasida ko’rsatilgan 3—4 razryadli tikuvchi kasbi bajara oladigan ishlarni o’zi bilishi va to’garak a’zolariga o’rgata olishi zarur. Dastur nazariy va amaliy tarzda o’qitiladi. Nazariy bilimlar berishda tikuvchilik sohasida qo’lga kiritilgan yangiliklar, yangi tikuv mashinalari, ishlov berish usullari haqida ma’lumotlar va o’quvchilarga yetkazish haqida ko’rsatmalar beriladi. Amaliy ishlarni bajarishda «Mehnat ta’limi» fanidan egallagan ko’nikma va malakalariga asoslaniladi.