Bitiruv ishining vazifalari: Chizma geometriya fani taraqqiyotining ustuvor yo‘nalishlarini tahlil etish;
– “To‘g‘ri chiziq” modulini o‘qitishda interaktiv metodlar, pedagogik, axborot kommunikatsion texnologiyalar va xorijiy tajribalarni o‘rganish;
– “To‘g‘ri chiziq” modulini o‘qitish jarayonini loyihalashtirish va rejalashtirish;
– “To‘g‘ri chiziq” modulini o‘qitishda pedagogik va axborot kommunikatsion texnologiyalardan foydalanishning elektron modulli didaktik ta’minotini ishlab chiqish;
– “To‘g‘ri chiziq” modulini o‘qitishni yanada takomillashtirish yuzasidan xulosa va tavsiyalar ishlab chiqish.
Bitiruv ishining ob’ekti: “To‘g‘ri chiziq” modulini o‘qitishda interaktiv metodlar va pedagogik texnologiyalardan foydalanish yo‘llarini tadqiq qilish jarayoni.
Bitiruv ishining predmeti: “To‘g‘ri chiziq” modulini o‘qitishda interaktiv metodlar va pedagogik texnologiyalardan samarali foydalanish mazmuni, o‘qitish metodlari, vositalari, shakllari.
Bitiruv ishining amaliy ahamiyati: “To‘g‘ri chiziq” modulini o‘qitishda interaktiv metodlar va ilg‘or pedagogik texnologiyalardan foydalanishning elektron modulli didaktik ta’minoti yaratilgan.
“To‘g‘ri chiziq” modulini o‘qitishni yanada takomillashtirish yuzasidan xulosa va tavsiyalar ishlab chiqilgan.
Chizma geometriyani o‘ziga xos xususiyati shundan iboratki unda pozitsiyaviy va metrik masalalar geometrik shakllarning shartli tasvirlari bo‘yicha yechiladi. Bunday geometrik yasashlar ko‘rgazmali yaqqol emasligi talabalarda unga etarli darajada ko‘nikma va malaka xosil qilguncha ma’lum noqo‘laylik va qiynchilik yaratadi. Bu fazoviy geometrik jismlar va ularning orasidagi pozitsiyaviy va metrik munosabatlarning faol o‘rganilishi talabalarning nafaqat muhandislik va geometrik bilimini rivojlantiradi, balki ularning tekis va fazoviy geometrik shakllar orasidagi metrik va pozitsiyaviy munosabatlarini aniqlashda fazoviy dinamik tasavvurini rivojlantiradi.
Bitiruv ishimizdagi ma’lumotlardan chizmachilik fani o‘qituvchilari, talabalar va ta’lim-tarbiya masalalari bilan qiziquvchilar foydalanishlari mumkin.
