O‘zbekiston respublikasi oliy va o‘rta maxsus ta’lim vazirligi

Maktabgacha ta’lim va tarbiyaning 
DAVLAT STANDARTI 
3-bob. Maktabgacha ta’lim tashkilotida bolaning rivojlanishini qo‘llab-
quvvatlash va uni amalga oshirish, qo‘shimcha ta’lim xizmatlari, ota-onalar 
bilan hamkorlik 
Qo‘shimcha ta'lim xizmatlari maktabgacha ta'lim tashkilot tomonidan 
imkoniyatlardan kelib chiqqan holda bolalar va aholi ehtiyojlariga mos ravishda 
tashkil etiladi. Qo‘shimcha ta'lim xizmatlari fakultativ hisoblanadi va ularni tashkil 
qilishda ko‘ngillilar (volontyorlar), ota-onalar va homiylar ishtirok etishi mumkin. 
Normativ-huquqiy hujjatlar loyihalari muhokamasi portalida “Davlat maktabgacha 
ta'lim tashkilotlarda qo‘shimcha pullik ta'lim-tarbiya xizmatlari ko‘rsatish 
faoliyatini tashkil etish tartibi to‘g‘risidagi nizom” loyihasi ishlab chiqildi. 
Mazkur Nizom talablari davlat maktabgacha ta'lim tashkilotlari uchun tatbiq 
etiladi. 
Qo‘shimcha xizmatlar zarur moddiy-texnik baza hamda tegishli pedagog 
xodimga ega bo‘lgan yoki tegishli mutaxassis jalb qilingan holda maktabgacha 
ta'lim tashkilotda tashkil qilinishi mumkin. Bunda qo‘shimcha xizmatlarni 
ko‘rsatish bolaning maktabgacha ta'lim tashkilotning o‘quv dasturi bo‘yicha olib 
boriladigan ta'lim-tarbiya jarayoniga xalaqit bermasligi kerak. 
O‘zbekiston Respublikasi Prezidentining 2018-yil 30-sentyabrdagi PQ–3955-
son qarori bilan tasdiqlangan 2018-2019-yillarda maktabgacha ta'lim tizimini 
yanada takomillashtirishga doir qo‘shimcha chora-tadbirlar dasturiga asosan 
maktabgacha ta'lim tashkilotlari tomonidan quyidagilar bo‘yicha qo‘shimcha pullik 
xizmatlar ko‘rsatilishi mumkin: 
- dam olish kunlari va maktabgacha ta'lim tashkilotda ish kuni yakunlangandan 
keyin bolani parvarishlash, unga qarab turish, uni o‘qitish; 
- maktabgacha ta'lim tashkilotning o‘quv dasturdan tashqari sport-
sog‘lomlashtirish (karate, taekvondo, suzish, shaxmat, shashka, gimnastika, 

---

117 
massaj va boshqalar) to‘garaklari, badiiy-estetik (xor, raqs, tasviriy san'at va 
hokazolar) to‘garaklar, fanlar bo‘yicha to‘garaklar (chet tillari, matematika, 
aqliy arifmetika, mantiq, informatika va boshqalar). 
Maktabgacha ta'lim tashkiloti tomonidan ko‘rsatilishi rejalashtirilayotgan 
qo‘shimcha xizmatlar turlari hamda ular uchun belgilanadigan to‘lovlar miqdori 
maktabgacha ta'lim tashkilotning Kuzatuv kengashi yig‘ilishida muhokama qilinishi 
shart. 
Maktabgacha ta'lim tashkilotlari tomonidan ko‘rsatiladigan qo‘shimcha 
xizmatlarning narxlar preyskuranti tegishli hududiy bo‘linma bilan kelishilgan holda 
maktabgacha ta'lim tashkilotning rahbari tomonidan tasdiqlanadi. 
Qo‘shimcha xizmatlar tegishli maktabgacha ta'lim tuman (shahar) bo‘linmasi 
bilan kelishilgan holda maktabgacha ta'lim tashkilot rahbarining buyrug‘iga 
muvofiq quyidagi hujjatlar asosida tashkil etiladi: 
- ko‘rsatiladigan qo‘shimcha xizmatning ish rejasi (bundan buyon matnda ish 
reja deb yuritiladi); 
- ko‘rsatiladigan qo‘shimcha xizmatlarning preyskurant narxlari; 
- ko‘rsatiladigan qo‘shimcha xizmatlar bo‘yicha mashg‘ulotlar jadvali. 
- Ish reja maktabgacha ta'lim tashkilot rahbari tomonidan tasdiqlanadi. 
- Tasdiqlangan qo‘shimcha xizmatlarning preyskurant narxlari maktabgacha 
ta'lim tashkilotining barcha shaxslar kirishi va ko‘rishi mumkin bo‘lgan joyda 
(joylarda) e'lonlar taxtasiga osib qo‘yiladi. 
Maktabgacha ta'lim tashkilotida tashkil etilgan qo‘shimcha xizmat ko‘rsatuvchi 
guruhlarga 
3-7 
yoshgacha 
bo‘lgan 
maktabgacha ta'lim 
tashkilotlari 
tarbiyalanuvchilari qabul qilinishi mumkin. 
Farzandi qo‘shimcha xizmat ko‘rsatuvchi guruhlarda tarbiyalanishini istagan 
ota-onalar yoki ularning o‘rnini bosuvchi shaxslar tegishli maktabgacha ta'lim 
tashkilotga ariza bilan murojaat qiladi. 
Qo‘shimcha xizmat ko‘rsatuvchi guruhlarga tarbiyalanuvchilarni qabul qilish 
ota-onalar yoki ularning o‘rnini bosuvchi shaxslarning xohishiga ko‘ra ixtiyoriy 
ravishda amalga oshiriladi. 
Maktabgacha ta'lim tashkilotning rahbari hamda bolaning ota-onasi yoki ularning 
o‘rnini bosuvchi shaxslardan biri bilan shartnoma tuziladi. 
Qo‘shimcha xizmat ko‘rsatuvchi guruhlarga bolani qabul qilish uchun tegishli 
maktabgacha ta'lim tashkiloti rahbarining buyrug‘i qabul qilinadi. 
Buyruqda bolaning familiyasi, ismi, otasini ismi, tug‘ilgan yili, qabul 
qilinayotgan qo‘shimcha xizmat turi va guruhi ko‘rsatilishi lozim. 
Qo‘shimcha xizmat ko‘rsatuvchi guruhlarda bolalarning soni 25 nafardan ortiq 
bo‘lishiga yo‘l qo‘yilmaydi. 

---

118 
Maktabgacha ta'lim tashkiloti xodimlarini ularning asosiy ish vaqtidan tashqari 
vaqtlarda kelishuv asosida qo‘shimcha xizmat ko‘rsatuvchi guruhlarga jalb qilish 
mumkin. 
Sud hukmi bilan yoki tibbiy xulosaga muvofiq pedagogik faoliyat bilan 
shug‘ullanishi taqiqlangan shaxslarning qo‘shimcha xizmat ko‘rsatuvchi guruhlar 
faoliyat yuritishi taqiqlanadi. 
Qo‘shimcha xizmatlar ko‘rsatishni jalb etilgan mutaxassislar yoki maktabgacha 
ta'lim tashkiloti xodimlari ishdan tashqari faoliyat haqidagi kelishuv asosida amalga 
oshiradilar. 
Bunday faoliyatdan olingan mablag‘larning 80 foizi MTT moddiy-texnik bazasini 
mustahkamlash hamda MTT xodimlarini rag‘batlantirishga yo‘naltiriladi.