§ 3. Sog'liqni saqlash tizimini isloh qilish Sog'liqni saqlash-bu jamiyat a'zolari sog'lig'ini himoya qilish va yaxshilash bo'yicha davlat
tomonidan olib borilgan iqtisodiy va tibbiy tadbirlar majmuidir.
Sog'liqni saqlash tizimi bu davolash va dori-darmon etkazib beruvchi muassalarining
barchasini o'z ichiga oladigan ijtimoiy-sohaning muhim tarmog'idir. Bu muassalarining holatiga inson
salohiyatini rivojlanishi bevosita bog'liq bo'ladi. Inson sog'lig'i, insoniy salohiyat mamlakat iqtisodiy
rivojlanishining muhim sharti hisoblanadi. Hozir Respublika aholisiga davlatga qarashli 1050
kasalxona va 3594 ambulatoriya-poliklinikasi tibbiy yordam ko'rsatmoqda. 2000 yili O'zbekistonda
«Sog'lom avlod yili», deb e'lon qilindi va tibbiy muassasalarning faoliyatini yaxshilaydigan, axoliga
tibbiy xizmatlar sifatini yanada ko'taradigan katta ishlar amalga oshirildi.
O'zbekiston Respublikasida zamonaviy, yuksak jahon talablariga javob beradigan tashxis qo'yish va davolash tibbiy asbob-uskunalar bilan jihozlangan, yuqori malakali vrachlar va o'rta tibbiy xodimlari bilan ta'minlangan s hoshilinch tibbiy yordamning yaxlit tizimi yaratilgan va faoliyat ko'rsatayapti. O'zbekiston ulkan insoniy salohiyatga ega bo'lgan mamlakatdir. "Inson salohiyati eng faol, eng
bunyodkor omil bo'lib, - deydi Prezidentimiz, - u mamlakatning islohatlari va tub o'zgarishlar yo'lidan
tinimsiz ilgarilab borishini ta'minlab beradi". Jamiyatning iqtisodiy va ijtimoiy rivojlanishi darajasi
bilan belgilanuvchi mazkur omil, o'z navbatida, uni rivojlantirish va taraqqiy ettirishda hal qiluvchi
rol o'ynaydi.
Respublika aholisi 2004 yilning boshlanishiga 26,0 mln. kishidan oshdi. Bundan 37,2% shahar
va shaharchalarda 62,8% qishloqlarda yashaydi. O'zbekistonning muhim xususiyati shundan iboratki,
bu erda aholining o'sish sur'atlari yuqori. 1990-2003 yillarning o'zida mamlakatimiz aholisining soni
salkam 24,0%) ga ko'paydi. Aholi sonining o'rtacha yillik o'sish sur'ati ana shu yillarda 1,8%) ni tashkil
etdi yoki yiliga 400 ming kishidan sal ko'proqqa o'sdi.
O'zbekistonga dunyo aholisining 0,4%)i to'g'ri kelgani holda, u jahon aholisi tabiiy o'sishining
0,5%) ni ta'minlaydi.
