ISITMALAYOTGAN BOLALARNI OVQATLANTIRISH. Isitmalayotgan bolalarning ishtahasi pasayadi, shuning uchun ularga tez
hazm bo’ladigan taomlar berilishi kerak. Ovqat tez- tez , ya'ni emizikli bolalar
uchun har 2-2,5 soatda, 2-3 yoshli va unda katta yoshdagi bolalarga 5-6 mahal
berilishi kerak. Agar bola ovqatlanishdan bosh tortsa ,zo’rlash zarur emas.Yetarli
darajada suyuqlik ichirish bilan cheklanish mumkin. Bemorni parvarish qiluvchi
sog’lig’i va kuchini tiklash uchun ovqatlanishning muhimligiga bemorni
ishontirish zarur. Bunda bir kunlik ovqatning o’rtacha energetik qiymati saqlanib
qolinadi. Kundalik beriladigan oqsil miqdori ham chegaradan oshmagani ma'qul.
Chunki oqsil parchalanganda hosil bo’ladigan moddalarning organizmda ajralib
chiqishi murakkablashadi. Kasalning tana harorati ko’tarilgan paytda qonga har xil
zaharli moddalar so’riladi, shuning uchun ularni organizmdan haydash uchun
yetarli miqdorda suyuqlik ya'ni meva sharbati kompot va mineral suv bilan
ta'minlash kerak. Mineral suv berilishidan avval shishani qopqogini ochib, gazini
chiqarib keyin byergan ma'qul, chunki gaz qorinni damlanishiga ( meteorizm ) olib
keladi. Kundalik ovqat tarkibida osh tuzi miqdori kamaytiriladi. Bu esa diurez
( siydik ajralishi ) ni kuchaytiradi. Kerak bo’lgan holda shifokor ko’rsatmasiga
binoan suyuqlik teri ostiga, venaga, to’g’ri ichakka tomcxilab yuboriladi.
OG’IZ BO’SHLIG’INI PARVARISHI. Isitmalayotgan
paytda
yetarli
darajada so’lak ajralmasligi og’iz
bo’shlig’ining qurishiga, lablarning yorilishiga olib keladi. Shu sababli lablarni va
og’iz bo’shlig’ini parvarishiga alohida e'tibor berish kerak: hamshira astalik bilan
og’iz bo’shlig’ini, tishlarini ho’llab, artib turishi va lablarini yorilgan joylariga
bura suyuqligining 20 % vazelindagi yoki qaynatilgan kungaboqar moyidagi
eritmasini surtib turishi lozim.
