Savdo terminalidan foydalanish, ularga va hisobvarag‘iga xizmat ko‘rsatish bo‘yicha UMUMIY SHARTLAR TERMIN VA ATAMALAR Bank tariflari – bank tomonidan ko‘rsatiladigan xizmatlar bo‘yicha belgilangan xizmat haqlari
me'yori.
Tovarlar (ish, xizmat) sotuvchisi (bundan buyon matnda "mijoz" deb yuritiladi) – bu ekvayer
bilan tuzilgan shartnomaga asosan bank to‘lov plastik kartochkalari orqali tovarlar (ish, xizmat)
sotuvini amalga oshiruvchi xo‘jalik (yuridik va/yoki yuridik maqomga ega bo‘lmagan tadbirkorlik
faoliyati bilan shug‘ullanuvchi jismoniy shaxs) sub'ekti;
Savdo va xizmat ko‘rsatish ob'ektlari - mulkchilik shakllaridan, Sotuv hajmidan, inshootning
o‘lchamidan va hokazolardan qat'i nazar, tovarlar sotish va xizmatlar ko‘rsatishga mo‘ljallangan
(moslashtirilgan) joy yoki inshoot.
To‘lov terminali – BPK egasiga xarid qilingan tovarlar va ko‘rsatilgan xizmatlar uchun
to‘lovlarni amalga oshirish hamda qonunchilikda nazarda tutilgan boshqa amaliyotlarni bajarish
va har bir bajarilgan amaliyot bo‘yicha cheklarni shakllantirish imkoniyatini beruvchi qurilma.
To‘lov operasiyasi – bank kartalaridan foydalangan holda tovar (ish, xizmat) uchun to‘lov.
Slip - bank plastik kartochkasidan foydalangan holda operasiya o‘tkazilganligini tasdiqlovchi va
o‘zida operasiya summasi, turi, sanasi, shuningdek, bank plastik kartochkasini hamda ushbu slipni
shakllantirgan terminalni identifikasiya qilish imkonini beruvchi axborotlarni aks ettiruvchi
terminal kvitantsiyasi.
To‘lovni qaytarish - mijoz tomonidan amalga oshirilgan tranzaktsiya bo‘yicha plastik karta
hisobvarag‘iga to‘lovni qaytarish.
1. UMUMIY QOIDALAR 1.1.
Ushbu savdo terminalidan foydalanish va ularga xizmat ko‘rsatish bo‘yicha umumiy
shartlar (bundan buyon matnda – "shartlar") bank tomonidan vaqtincha foydalanish uchun mijozga
taqdim etilgan to‘lov terminali orqali uning mahsulotlar (ish, xizmat va tovarlar)ni naqdsiz shaklda
sotib olish uchun to‘lov vositasi sifatida taqdim etilgan plastik kartalardan to‘lovni qabul qilish,
to‘lov terminalini ijaraga berishni va to‘lov terminali hisobvarag‘iga xizmat ko‘rsatishni hamda
bank va mijozi o‘rtasidagi o‘zaro munosabatlarni tartibga soladi.
