2. HISOB-KITOBLARNI RO‘YXATGA OLISH VA O‘TKAZISH TARTIBI 2.1. Mijozning Tizimda identifikatsiyasi uning kodi va elektron raqamli imzosi (matn bo‘yicha
keyingi o‘rinlarda - ERI) yordamida amalga oshiriladi. ERI ni qo‘llash tartibi O‘zbekiston
Respublikasining amaldagi qonunchiligi bilan aniqlanadi.
2.2. Tizimda ro‘yxatdan o‘tish uchun Mijoz Bankning ofisiga qog‘ozda ariza topshiradi yoki
masofadan ro‘yxatdan o‘tish uchun Tizimning WEB-servisida ariza to‘ldiradi (resurs:
www.nbu.uz
).
2.3. Bankka uning rasmiy saytida (
www.nbu.uz
) e'lon qilingan Bank Tariflariga muvofiq
xizmatlar uchun mukofot beriladi.
2.4. Xizmatlar uchun to‘lov miqdori Bank Tizim orqali amalga oshirgan savdo operatsiyasi, shu
jumladan Tizimda tanlangan mahsulotga bog‘liq ravishda barcha soliqlar, yig‘imlar, ajratmalar
qo‘shilagan summaga foiz nisbatida beriladi (to‘lov qabul qilishning texnik usuli).
2.5. Makur Umumiy shartlar bo‘yicha to‘lovlar To‘lovchi tomonidan Bankning hisobvarag‘iga
so‘mlarda amalga oshiriladi.
2.6. Xizmatlarning narxi qat'iy hisoblanadi va Tomonlar mazkur Umumiy shartlarga Qo‘shimcha
rasmiylashtirib rozilik bildirishganida o‘zgartirilishi mumkin.
2.7. Oy yakunida Bank Mijozga ko‘rsatilgan xizmatlar bayonnomasini yuboradi. Mijoz
ko‘rsatilgan xizmatlar Bayonnomasini olgan kundan 5 bank kunidan kechiktirmasdan
Bankka yo imzolangan ko‘rsatilgan xizmatlar Bayonnomasini, yoki asosli bekor qilish xatini
yuborishi shart.
2.8. Bank Mijozdan ko‘rsatilgan xizmatlar Bayonnomasini imzolashda asosli bekor qilish xati
olgan holatda 3 (uch) ish kuni ichida buzilishlar sababini aniqlash uchun Bank va Mijozning,
zarurat bo‘lganida Tizim egalarining vakillaridan tashkil topgan komissiya tuziladi.
Aniqlanish yakunlanganidan so‘ng komissiya bayonnoma rasmiylashtiradi, shu asosda yo
buzilish bartaraf etiladi yoki Mijoz ko‘rsatilgan xizmatlar Bayonnomasini imzolaydi.
2.9. Mazkur Umumiy shartlar bo‘yicha xizmatlar taqdim etishilishini to‘xtatish/xizmatlardan
bosh tortish holatida qayta hisoblash va to‘lov masalalari Tomonlarning kelishuvi bo‘yicha
yoki belgilangan tartibda Toshkent sh. Tumanlararo iqtisod sudi orqali hal qilinadi.
