O’zbekiston respublikasi

v)  mahalliy  tillar  (dialektal  jamoalar  ichidagi  ichki  etnik  muloqotni  ta’min-

lovchi vosita yoki kommunikatsiya). 

Shuningdek,  kasb-hunarga  oid  tillar  ta’limi  (jumladan,  fan tillari)  va  ma’lum 

dinga xizmat qiluvchi alohida tillarga (Qur’on, arab, hozirda o`lik pari tili, islom, 

buddizm,  induizmga  aloqador  sanskrit  tillari)  ham  bo`lingan  holda  alohida 

ko`rsatilishi mumkin. 

Til  va  jamiyat  o`rtasidagi  o`zaro  aloqani  o`rganish  turli  davrlarda  turlicha 

yondashuvlarga  sabab  bo`lgan  bo`lsa-da,  bu  sohadagi  ilmiy  qiziqishlar  bugungi 

kunga kelib yanada kuchayib bormoqda. 

Tildagi  elementlar  doimo  o`zgarishga  moyil  bo`lishi  bilan  birga  qat’iy 

xarakterga ham egadir. Muayyan  tilga ushbu tilda so`zlovchi har bir kishi doimiy 

ravishda  ta’sir ko`rsatib turadi.  Bu  ta’sir, albatta, leksik  va  grammatik  shakllarda 

bo`lmasa-da,  tilning  nutqiy  foydalanish  darajasida  mavjuddir.  Demak,  til,  bir 

tomondan, ijodiy jarayon bo`lsa, ikkinchi tomondan, u allaqachon vujudga kelgan 

qat’iy tizim hamdir. 

Ushbu munosabatlardan biz til va jamiyat o`rtasidagi o`zaro aloqa qanchalik 

chambarchas bog`liq ekanligini ko`ramiz. 

Albatta,  til  ham,  jamiyat  ham  ma’lum  fanlar  uchun  predmet  hisoblanadi. 

Tilshunoslik yoki lingvistika tilga doir narsalarni o`rgansa, sotsiologiya fani uchun 

---

 

20 

jamiyat  va  unga  aloqador  tomonlarning  barchasi  uchun  eng  muhim  tadqiqot 

obyektidir. 

XIX asrning ikkinchi yarmidan umumiy fanlarning turli tarmoqlarga tezkor 

sur’atda bo`linib ketishi, ixtisoslashuvning kuchayishi bilan yangi tadqiqot sohalari 

vujudga kela boshladi. 

XX  asr  boshlariga  kelib  til  va  jamiyat  munosabatini  alohida  o`rganishga 

bo`lgan  qiziqish  turli  oqimlarni  vujudga  keltirdi.  Xususan,  shu  davrda  tilga  faqat 

ijtimoiy  fakt,  ijtimoiy  mahsulot  deb  qaraydigan  kishilar  ham  topildi.  Til  haqidagi 

bunday  fikrlarni  umumlashtirgan  shaxs  Ferdinan  de  Sossyur  (1857-1913)  dir.  U 

tilshunoslikni ikki turga: ichki tilshunoslik va tashqi tilshunoslikka bo`ldi. 

XX  asrning  20-30-yillari  til  mavjudligining  ijtimoiy  zaruriyat  ekanligini 

isbotlah davri  bo`lsa (Y.D.  Desheriyev, 1968;  L.P.  Yakubinskiy, 1953), faqatgina 

60-yillarga  kelib  til  va  jamiyat  aloqasi  to`g`risidagi  fan  –  sotsiolingvistika  fanini 

fan sifatida o`rganish va bu sohada ilmiy tadqiqotlar olib borishga bo`lgan qiziqish 

ortdi. 

Bugungi kunga kelib sotsiolingvistika fani o`zining predmetiga ega bo`lishi 

bilan  yaxlit  fan  sifatida  shakllandi,  deyish  mumkin.  Shunday  bo`lsa-da, 

sotsiolingvistika  fanida  ko`pgina  muammolar  haligacha  o`z  yechimini  topgani 

yo`q.  

Sotsiolingvistika  fani,  bir  tomondan,  tilshunoslik,  ikkinchi  tomondan  esa, 

sotsiologiya  fani  muammolari  bilan  chambarchas  bog`langandir.  Bugungi  kunda 

sotsiolingvistika  fanining  muhim  muammolari  sifatida  quyidagilarni  ko`rsatish 

mumkin: 

1.  Tilning ijtimoiy tabaqalanishi. 

2.  Bilingvizm va ko`p tillilikning sotsiolingvistik xususiyati. 

3.  Diglossiya. 

4.  Til (nutqiy) vaziyatlarning tipologiyasi. 

5.  Milliy va adabiy tillar hamda ularning ijtimoiy funksiyalari.

1

 

                                                 

1

 Дешериев Ю.Д. Проблема функционального развиятия языков и задачи социолингвистики, 1953. 

---

 

21 

Yuqorida  ko`rsatilgan  muammolar  sotsiolingvistika  fani  uchun  eng 

muhimlari  hisoblanadi.  Barcha  sotsiolingvistik  maktablar  va  yo`nalishlar  uchun 

xususiy  tadqiqot  metodlarini  ishlab  chiqish  va  ularni  tadbiq  etish  ham  muhim 

masalalardan biri bo`lib qolmoqda.

1