O‘zbekiston Respublikasi Soliq kodeksining 461-moddasiga asosan soliq davrida tovarlarni (xizmatlarni) realizatsiya qilishdan olingan daromadi yuz million so‘mdan oshgan, lekin bir milliard so‘mgacha bo‘lgan yakka tartibdagi tadbirkorlar aylanmadan olinadigan soliqni to‘lovchilar deb e’tirof etilishi belgilangan.
Shuningdek, ushbu Kodeksning 462-moddasiga asosan soliq to‘lovchilarning soliq davrida tovarlarni (xizmatlarni) realizatsiya qilishdan olingan daromadi yuz million so‘mdan oshganda, soliqni oshib ketgan summasidan aylanmadan olinadigan soliqni to‘lashga o‘tadi.
Yuqoridagilarga asosan: Soliq kodeksining 467-moddasida belgilangan soliq stavkalari asosida 05.08.2023 yildan boshlab tovarlarni (xizmatlarni) realizatsiya qilishdan olingan daromadlardan aylanmadan olinadigan soliqni to‘lash tartibiga o‘tishingiz;
hisobda turgan joyidagi soliq organiga hisobot davri yakunlari bo‘yicha hisobot davridan keyingi oyning o‘n beshinchi kunidan kechiktirmay (har oyda) hamda soliq davri yakunlari (yillik) bo‘yicha soliq davridan keyingi davrning 15 fevralidan kechiktirmay elektron shaklda soliq hisobotini taqdim etishingiz hamda ushbu muddatlardan kechiktirmay byudjetga to‘lovlarni amalga oshirishingiz lozim bo‘ladi (SK-470-modda).
Mazkur masalalarda tushunmovchiliklar va qo‘shimcha savollar yuzasidan “Soliq-servis” DUK tuman (shahar) filiallari, “Call-markaz”ning 71-202-32-32 yoki 1198 (qisqa) telefon raqamlari, Davlat soliq qo‘mitasining www.soliq.uz va my.soliq.uz rasmiy saytlari orqali tegishli ma’lumotlarni olishingiz mumkin.
Soliq xizmati – insofli soliq to‘lovchining ishonchli hamkori!
