O’zbekiston respublikasi vazirlar mahkamasining qarori

elektr energiyasi (quvvati) iste’molining shartnomadagi miqdori - tegishli hisob-kitob davrida iste’molchi tomonidan iste’mol qilinadigan elektr energiyasi (quvvati)ning hududiy elektr tarmoqlari korxonasi va iste’molchi o’rtasidagi shartnomada belgilangan miqdori;
yagona elektr energetika tizimi - elektr energiyasi ishlab chiqaruvchi, magistral elektr tarmoqlari, hududiy elektr tarmoqlari va ularni tezkor-dispetcherlik boshqarish korxonalari yig’indisi;
avvaldan buyurtma berilgan quvvat - iste’molchining energiya tizimini eng katta yuklamasida qatnashuvchi eng katta quvvati (yuklamasi). Iste’molchining eng katta yuklamasi tegishli hisobga olish priborlari (hisob-kitob hisoblagichlarining yarim soatlik ko’rsatkichlari bo’yicha) yoki Yagona elektr energetika tizimining eng katta yuklamali soatlarida elektr energiyasi iste’molini hisobga olish va nazorat qilishning avtomatlashtirilgan tizimi ko’rsatkichlari bilan aniqlanadi;