102-modda. Saylov komissiyalarining qarorlari ustidan tushgan shikoyatlarni ko‘rib chiqish Oldingi tahrirga qarang. Nomzod ko‘rsatgan siyosiy partiyalar organlari, nomzodlar, ishonchli vakillar, kuzatuvchilar va
saylovchilar saylov komissiyalarining qarorlari ustidan ushbu qarorlar qabul qilinganidan keyin
besh kun ichida sudga shikoyat qilishi mumkin. Markaziy saylov komissiyasining qarorlari ustidan
qaror qabul qilinganidan keyin besh kun ichida O‘zbekiston Respublikasi Oliy sudiga shikoyat
qilinishi mumkin. Shikoyat kelib tushganidan keyin uch kun ichida, saylovga kamida olti kun
qolganida esa darhol ko‘rib chiqilishi kerak. Shikoyat bergan shaxslar shikoyatni ko‘rib chiqishda
bevosita ishtirok etish huquqiga ega.
(102-moddaning matni O‘zbekiston Respublikasining 2021-yil 31-maydagi O‘RQ-691-sonli Qonuni tahririda — Qonunchilik ma’lumotlari milliy bazasi, 31.05.2021-y., 03/21/691/0508-son) Oldingi tahrirga qarang. 102 -modda. Markaziy saylov komissiyasi a’zolarining transportdan foydalanish huquqi Markaziy saylov komissiyasining a’zosi aeroportlar va aerovokzallar, temir yo‘l vokzallari hamda
stansiyalarining rasmiy shaxslar va delegatsiyalarga xizmat ko‘rsatish zallaridan tekin foydalanish
huquqiga ega.
Markaziy saylov komissiyasining a’zosi o‘z guvohnomasini ko‘rsatganidan keyin temir yo‘l
vokzallari va stansiyalarining chipta sotadigan kassalari, fuqaro aviatsiyasi agentligi yoki aeroportlar
unga poyezd vagonidan, samolyot salonidan navbatsiz joy berishi shart. Markaziy saylov
komissiyasi a’zosi Markaziy saylov komissiyasining majlisiga borayotganda unga samolyot chiptasi
parvozdan kamida ikki soat oldin, boshqa hollarda esa kamida bir sutka oldin beriladi.
(102 -modda O‘zbekiston Respublikasining 2021-yil 8-fevraldagi O‘RQ-670-sonli Qonuniga asosan kiritilgan — Qonun hujjatlari ma’lumotlari milliy bazasi, 09.02.2021-y., 03/21/670/0089-son) Oldingi tahrirga qarang.
