Өзбекстан Республикасы жоқары ҳәм орта арнаўлы билимлендириў министирлиги

i
l
l
d
d
i
i
r
r
i
i
w
w
s
s
h
h
i
i
l
l
e
e
r
r
:
:
 
 
 
K.Palımbetov 
– Qaraqalpaqstan Respublikası xalıq bilimlendiriwi 
xızmetkerlerin qayta tayarlaw hám qánigeligin jetilistiriw аymаqlıq оrаyınıń 
dоcеnti, filologiya ilimleriniń kandidatı.
J.Nızamatdinov – Qaraqalpaq mámleketlik universitetiniń qaraqalpaq 
ádebiyatı kafedrasınıń docenti, filologiya ilimleriniń kandidatı. 

---

3 
Kórkem ádebiyat haqqında túsinik 
Adam sırtqı ortalıqtı, jámiyetti, turmıstı tek ámeliy xızmet barısında biliw 
menen ǵana sheklenbeydi. Adam olardı kórkem-estetikalıq pikirlewler, seziwler 
arqalı da úyrenedi, yaǵnıy sırtqı ortalıq, jámiyet, turmıs tuwralı túsiniklerdi kórkem 
obrazlar arqalı ózlestiredi. 
Kórkem obrazlar kórkem óner (súwretshilik, músinshilik, muzıka, 
xoreografiya, teatr) shıǵarmalarında jaratıladı, demek, kórkem ónerdiń baslı 
wazıypası – bul kórkem obraz jaratıw, dúnyanı kórkem obrazlar arqalı kórsetiw, 
tanıtıw, sáwlelendiriw. Kórkem ádebiyat kórkem ónerdiń bir túri bolıp esaplanadı 
hám óziniń ayrıqsha qásiyetlerine iye boladı. Kórkem adebiyat shıǵarmalarında 
jazıwshı kórkem sóz benen súwret saladı, obrazlar jaratadı, olarǵa jan beredi, 
adamnıń harakterin, ruwxıy dunyasın ashıp beredi. Kórkem adebiyat adam 
kewlinde jaqsılıqqa umtılıw, jamanlıqtan túńiliw sezimlerin tárbiyalaydı. Usınday 
qásiyetleri menen ádebiyat tárbiyalıq áhimiyetke iye boladı. 
“Ádebiyat” degen atama keń mániske iye boladı. Ulıwma xatqa túsirilgen, 
jámiyetlik mazmunǵa iye hám ádebiy tildiń ólshemlerine say jazılǵan 
shıǵarmalardı ádebiyat degen atama menen júritedi. Mısalı, ilim-izertlew tarawına 
tiyisli miynetlerdi ilimiy ádebiyat, huqıq-nızamǵa tiyisli miynetlerdi yuridikalıq