Өзбекстан Республикасы жоқары ҳәм орта арнаўлы билимлендириў министирлиги

 
Hikmetler 
Áhli dúnya* xalqımızda saqawat joq, 
Patshalarda, wázirlerde ádalat joq, 
Dárwishlerdiń* duwasında káramat joq, 
Túrli bále xalıq basına jawdı, doslar.
*** 
Dúnya meniń múlkim degen sultanlarǵa, 
Jáhán malın sansız jıynap alǵanlarǵa, 
Ayshı-áshret penen mashǵul bolǵanlarǵa, 
Ájel kelse biri opa qılmas ermish. 
Yassawiydiń lirikalıq qaharmanınıń júregi jaqsılıq sezimlerine tolı, ol miyrim-
shápáát, qayır-saqawat iyesi, ǵárip-qaser, jetim-jesirlerdiń dostı, qáwenderi.
Aqıl bolsań ǵáriplerdiń kewlin awla, 
Mustafaday* eldi gezip jetim izle, 
Dúnyaparaz nadanlardan bolǵıl awlaq, 
Awlaq bolıp, dárya bolıp tastım, mine. 
Ǵáriplerdi kórgen jerde qabartpańız, 
Ǵáriplerge ashıwlanıp sóz qatpańız, 
Hálsiz kórip ǵáriplerge tas atpańız, 
Bul dúnyada ǵáripliktey bále bolmas. 
Yassawiy hikmetlerinde baslı lirikalıq qaharman obrazınan basqa járdemshi 
obrazlar da bar. Olar ashıqqa ustazlıq etetuǵın, oǵan haq jolınan júriwge jol-joba 
kórsetetuǵın pir obrazı, ózin qudaǵa baǵıshlaǵan tárki dúnya dárwish obrazı, 
sonday-aq Rasul (payǵambar) obrazı. Hikmetlerde shaytan obrazı kóp 
qollanıladı. Shaytan – adamlardı tuwrı joldan shıǵaratuǵın jawız ruwxıy kúsh. Ol 
iship-jegende mazalı awqatlar, kórgende kózdiń jawın alatuǵın sulıw zatlar, 
esitkende qulaǵıńnıń qurıshın qandıratuǵın jaǵımlı sesler, tánińe lázzet beretuǵın 
basqa da nárseler bolıp ruwxıńa kiredi, sum nápsini ashadı, ashkózlik sezimler 

---

46 
oyatadı, nápsi ushın, jekke mápler ushın jawız, zalım, arsız bolıwǵa iytermeleydi. 
Shaytan – usınday jawızlıqtıń, buzıqlıqtıń, nápsiqawlıqtıń, arsızlıqtıń jıynaqlanǵan 
obrazı. Shaytan menen gúresiw – hárbir musılmannıń ádiwli parızı. Hikmetlerde 
sáwlelengen járdemshi obrazlar bas obraz bolǵan lirikalıq qaharmannıń (haq jolına 
basın tikken shın ashıqtıń) obrazın hár tárepleme keń ashıp beriwge xızmet etedi. 
Sonı da eskertiw kerek, Yassawiy hikmetleriniń tematikalıq, ideyalıq