Өзбекстан Республикасы жоқары ҳәм орта арнаўлы билимлендириў министирлиги

Nawayı lirikasınan úlgiler 
(Ǵázzeler) 
Yardan ayrılǵan kewil bir múlkdur sultanı joq, -a 
Sultansız qalǵan múlk, demek, bir tándur ol janı joq, -a 
Jansız tánnen ne ǵániybet, aytıńshı, biradarlar? -b 

---

102 
Ol hám bir shól bayaban gúli rayxanı joq. -a 
Daqılsız, rayxansız shól bayaban kimge dárkar? -v 
Ol bir qarańǵı aqshamdur mahi tabanı joq -a 
Mahi tabansız aqsham ay shuǵlasına mútáj, -g 
Tas túnek abihayatsız heshkimge payanı joq. -a 
Tas túnek abihayatsız – ózidur jáhánnámniń -d 
Ol jerde jánnet baǵınıń zárre bir nıshanı joq.-a 
Jánnet baǵınan naúmiyd dozaqıy bolǵan adam, -e 
Ol hám bir máyqúmardur más bolıw imkanı joq. -a 
Áy Nawayı, sonda hám yar ıshqınan waz keshpe sen, -j 
Yar jolında jan pida qılǵannıń ármanı joq. -a 
(Ibrayım Yusupov awdarması) 
* * * 
Kelseń sallanıp, dilbar, qızıl, jasıl, zapıran, 
Íshqıńnan jalın lawlar qızıl, jasıl, zapıran. 
Ayralıqtıń shólinde ah sheksem, dárt gúlxanı, 
Tamızıqsız tutanar qızıl, jasıl, zapıran. 
Sen desem ıshqı gúlxanı jılwalanar kewlimde, 
Onda gúller ashılar qızıl, jasıl, zapıran. 
Seniń júz-kózlerińdi, júzde noqat qalıńdı, 
Oylasam kózim tınar qızıl, jasıl, zapıran. 
Altın kásaǵa quyǵan qanlı sharap jılwası, 
Qollarımda shaypalar qızıl, jasıl, zapıran. 
Qırıq jamaw, ala-ǵula gedayılıq lipası, 
Tapqan láttesin jamar qızıl, jasıl, zapıran. 
Áy Nawayı, bolma háwes sen hádden tıs boyawǵa,
Óytseń jazǵanıń shıǵar qızıl, jasıl, zapıran. 
(Ibrayım Yusupov awdarması) 
Rubayılar 
Kóz hám qasıń jaqsı, qabaǵıń jaqsı, -a 

---

103 
Tilde sóziń shiyrin, dodaǵıń jaqsı, -a 
Júzińdegi meńiń, buǵaǵın jaqsı, -a 
Ayta bersem bastan-ayaǵıń jaqsı. -a 
* * * 
Tań samalı, bizdi ayama hasla, -a 
Jan júregim apar sol bawırı tasqa, -a 
Júregimdi jegiz yardıń iytine, -b 
Janımdı ayaǵınıń astına tasla -a 
(I.Yusupov awdarması)