14. TEXNOLOGİYALARIN TRANSFERİ
Texnologiyanın transferi (ötürülməsi) texnologiyanın
sahibi olan şəxsin öz qərarı ilə onun müqavilə və ya başqa
sövdələşmə ilə, eləcə də hüquqdan imtina müqaviləsi ilə,
lisenziya müqaviləsi ilə və ya digər müqavilə ilə tam və ya
hissəcə digər şəxsə verilməsidir.
Texnologiyaların transferi elmi işləmələrin kommer-
siyalaşdırılması, daha doğrusu yeni texnologiyanın (innova-
siyanın) kommersiya məqsədilə istifadəyə verilməsindən, eləcə
də mövcud texnologiyaların yayılmasından ibarətdir.
Transfer prosesində texnologiyaların sahibləri, alıcıları,
dəllallar və məsləhətçi iştirak edir, onların hüquqi vəziyyəti
müvafiq qanunlarla müəyyən edilir.
Texnologiyaların
transferinin
xüsusi
iştirakçısı
texnologiyanın verilməsi (ötürülməsi) haqqında müqavilələri
qeydiyyatdan keçirən dövlət orqanıdır. Bir qayda olaraq bu
vəzifəni ölkənin patent orqanı yerinə yetirir.
Texnologiyanın transferi aşağıdakı mərhələlərdən
ibarətdir:
– texnologiyaya ehtiyacın müəyyən edilməsi;
– texnologiyanın istifadəsi üçün tələb olunan xərclərin
qiymətləndirilməsi;
– informasiya axtarışı;
– danışıqların aparılması;
– müqavilənin bağlanması və texnologiyanın verilməsi;
– texnologiyanın istifadə olunması.
Ölkələrin qanunvericiliyində bu mərhələlər öz əksini
normativ aktlarda əks olunur.
58
1995-ci ildə Avropada əsas vəzifəsi texnologiyaların trans-
ferində konsalting xidmətlərinin göstərilməsi olan relay-şəbəkə
(relay network) yaradılmışdır. (bax:http://science.nso.ru)
Dostları ilə paylaş: | 
