Azərbaycan Dövlət Neft Akademiyası

Əvvəlcədən  istifadə  hüququ  ixtiraya  prioritet  arayışı 

alınmazdan  qabaq  eyni  həlli  ixtiranın  müəllifindən  asılı 

olmayaraq  vicdanla  istifadə  etmiş  və  yaxud  ona  hazırlıq 

görmüş  şəxsə  istifadəni  genişləndirmək  şərtilə  verilir.  Bu 

hüquq  digər  hüquqi  və  fiziki  şəxsə  ixtiranın  istifadə  edildiyi 

istehsalatla birgə verilə bilər.  

Patent  qanunvericiliyinə  və  müəllif  hüququna  görə 

yaradıcı  əməyinin  nəticəsi  intellektual  mülkiyyət  olan  şəxs 

müəllif hesab edilir. 

Müəllif  və  lisenziya  müqaviləsi əsərlərin müəlliflərinin 

və  patent  sahiblərinin  mülkiyyət  hüququnun  verilməsini 

(ötürülməsini) həyata keçirir.  

Mütləq  hüquqların  ötürülməsi  haqqında  müəllif 

müqaviləsi  hüquqların  verdiyi  şəxsə  müqavilədə  göstərilən 

hədlərdə  əsərdən  müəyyən  qaydada  istifadə  etməyə  və  digər 

şəxslərə ondan istifadə etməyi qadağan etməyə icazə verir. Bu 

müqavilə  istifadəçiyə  və  eyni  qaydada  hüquqları  əldə  etmiş 

digər  şəxslərə  mütləq  hüquqların  sahibi  ilə  əsərdən  bərabər 

istifadə etmək hüququ verir.  

Müəllif müqaviləsində əsərdən istifadə üsulları, hüququn 

verildiyi  müddət  və  ərazi,  mükafatın  məbləği,  onun  müəyyən 

edilmə və ödənmə qaydaları göstərilir.  

İxtira  yeni  isə,  ixtira  səviyyəsindədirsə  və  sənayedə 

istifadə  oluna  bilərsə  o  patent  kimi  dövlət  sənədi  ilə  hüquqi 

cəhətdən  qorunur.  İxtira  texnikanın  cari  səviyyəsinə  nisbətən 

məlum  deyilsə,  o  yeni  hesab  olunur.  Əgər  ixtira  bu  sahədəki 

mütəxəssis  üçün  texnikanın  cari  səviyyəsindən  aşkarcasına 

məlum  deyilsə  o  ixtira  səviyyəsinə  malikdir.  Texnikanın 

səviyyəsi  deyəndə  ixtiranın  ərizəsinə  prioritet  verilən  tarixə 

qədər  dünyada  məlum  olan  istənilən  məlumatlar  nəzərdə 

tutulur. İxtira sənayedə, kənd təsərrüfatında, səhiyyədə və digər 

fəaliyyət  sahəsində  istifadə  oluna  bilərsə,  o,  sənayedə  tətbiq 

edilən hesab olunur.  

---

 

61