Microsoft Word bankir ziyouz com doc
Yüklə 0,96 Mb. Pdf görüntüsü
|
| www.ziyouz.com kutubxonasi
105 Prins xiyol oldinga egilib, oyoqlarini bir-biriga mindirib o‘tirar va Kalxeynga aftidan ikkovi ham tish qayrab turgan radio sharhlovchisi haqidagi voqeani gapirib bermoqda edi. Prinsning o‘zi siyosiy reporter bo‘lib, har doim goh Olbaniga, goh Vashingtonga ish safari bilan borib turardi. Prinsning ortida Berns birmuncha so‘nggi, eng urf bo‘lgan kitoblar terib qo‘yilgan javoniga suyanib El Konn tik turardi. Bir qarashda u Palmerning taxminlari ichida eng o‘rtamiyona va ko‘rimsizdek taassurot tug‘dirardi: burni o‘rtacha, sochi xira qo‘ng‘ir-kulrang tusli, agar ikkala ko‘zini aytmasa, yuzida hech bir diqqatni tortadigan alomat ko‘rinmasdi. Ammo ana shu ko‘zlar uning kimligini yaqqol aytib turardi. Palmer ularni kuzatib turgan vaqtda Konning irg‘ib chiqqan, salqi qovoqlari ostidagi bu g‘ayrioddiy ko‘zlari u qo‘lida ushlab turgan kitob sahifalari bo‘ylab tez-tez yugurar edi. Palmer Konning qalqonsimon bez kasalligi bilan og‘risa kerak va shu bois busiz ham katta-katta, xiyol bo‘rtiq ko‘zlari ana-mana kosasidan irg‘ib chiqib ketadigandek tuyulsa kerak, degan to‘xtamga keldi. Bu ko‘zlarda hech narsa bilan to‘ldirib bo‘lmaydigan ochlik bor edi. Ular yo‘lida uchragan hamma narsani yeb- yutadi. Undan tashqari Konn, odatda go‘yo ko‘zlaridagi ochko‘zlik chet nigohlardan yashirinmoqchi bo‘lgandek, keng gardishli katta ko‘zoynak taqardi. Biroq do‘stlari orasida u aksar hollarda ko‘zoynaksiz bemalol o‘tiraverardi. Ha, fikr yuritardi Palmer, Konning do‘stlari ko‘p. Tag‘in turli sohalarda. Konn qurilish firmasining boshlig‘i sifatida keng tarqalgan, qurilish bo‘yicha pudratda yaxshi ishlab topadigan kompaniyalardan birining aktsiyalari egasi. U yana ko‘chmas mulk oldi-sotdisi bilan shug‘ullanadigan bir qancha kompaniyalarda ham ishtirok etardi, buning ustiga, xususiy avtobus kompaniyalari va taksi parklarining sheriklikdagi egalaridan biri, metall konstruktsiyalar ishlab chiqarish bo‘yicha kontsern direktori, shaharlararo avtoulov bilan bog‘liq bir qancha firmalar va sug‘urta kompaniyalar direktorlaridan biri edi. Ayni vaqtda, hech ham tasodif emas, Konn demokratik partiya mahalliy qo‘mitasi uchun mablag‘larni eng jadal yig‘uvchilardan biri sifatida tanilgan. Saylov kompaniyalari vaqtida uning bir o‘zi qolgan barcha to‘plovchilarni birgalikda olinganidan ham ko‘proq pul to‘plagandi. Uning behisob do‘stlari u bilan suhbatda do‘stona betakalluflik bilan uni El deb atar edilar, ko‘zlari uchun esa goho “chiydan tashqari mer” yoki “Konn janobi oliylari” deb chaqirishardi. — ... O’tgan hafta radiostudiyada mana bunday ish bo‘ldi, — hikoya qilardi Ougi Prins. — Biz bu radiog‘iybatchini bir umr esdan chiqmaydigan qilib tuzlashga qaror qildik. Xo‘pmi? Yarim tunda qizaloqni studiyaga olib keldik, xuddi o‘sha... — Palmer Konnga imo qildi va Bernsni xona burchagidagi barga olib o‘tishga loqaydlik bilan izn berdi, u yerda qo‘lini keng yoyib, eng qimmatbaho vinolardan butun bir dunyosini ko‘rsatdi. — Nima ichasan, Vudi? Palmer yo‘q deganday boshini chayqadi: — Do‘stlar mening stolimda rosa kuchanishdi. Endi men — taslim. — Bir qultumgina o‘tar tomog‘ingdan? Balki sodalisi ketar? — Yaxshisi, zanjabilli pivo bera qol. — ... shu desangiz biz so‘nggi axborotning o‘n daqiqalik eshittirishi vaqti kelishi uchun kutib turgan edik. Xo‘pmi? — davom etdi Prins. — U yangiliklar ma’lumotini o‘qiyotganida, uni, albatta, bo‘lib bo‘lmaydi. Shu desangiz, biz paytdan foydalanib qoldik: u mikrofonni ulab, eshittirishni boshlashi hamon biz uning jemperi yoqasining yarmigacha cho‘zib tortdik-da, stulga mahkam bog‘lab qo‘ydik. U esa bu vaqt davomida mikrofonga gapiraverdi va eshittirish efirga ketaverdi. Bildingiz? Keyin biz uning shimini yechib oldik va bilasizmi — shimsiz o‘tiribdi-da, so‘nggi voqealar haqidagi nimalarnidir aljirayapti. Ovozi esa haligidaqa — ana-mana uv tortib yuboradigan. Zap bo‘ldi-da! Shu joyda biz haligi qizaloqni studiyaga sudrab keldik. U ishga tushib ketdi. Yigitchaga esa eshittirish oxirigacha yana sakkiz daqiqacha qolgan... Konn Ougi Prins tomon xiyol o‘girildi. Uning yeb qo‘ygudek qaraydigan ko‘zlari u varaqlab turgan kitob sahifalarini bir daqiqacha o‘z holiga qo‘ydi va latifani yeb yutish uchun Prins tomon qadaldi. Bu ochko‘z nigohning og‘irligini o‘zida his qilgan Kalxeyn o‘girildi-da, Konnga ko‘z qisib qo‘ydi. |