Şahlar həSƏNOĞLU
Yüklə 1,51 Mb. Pdf görüntüsü
|
partlamaq ist ədi. "Belə də qız olarmı Allah, belə də atəş olarmı? Bir barmaq toxundurmasından gör nə hala düşüb, gör nələr deyir mənə, ürəyinin sirrini etiraf edir!" Bəs bu vəziyyətdən necə qurtaracaq onlar? Kim gəlib qurtaracaq, haçan gəlib qirtaracaq? Bəlkə yaxınlaşıb bir mehribanlıq göstərsin qıza, saçından tutsun, qaldırıb gözlərinin dərinliyinə, kipriklərinin uzunluğuna, gözəl çöhrəsinin əfsanəliyinə baxsın? Heç insafdımı, kişilikdirmi bu? Bir barmaq toxunmasından uçalanıb yıxılan qız, bir əl dəyilməsinə, bir isti nəfəs təmasına necə dözəcək, neyləyəcək? Heç onun özünün dizlərində bir taqət qalıbmı bir addım ata, bir əyilib-qalxa, bir yaxınlaşa qıza? Birdən Sürəyya çul kimi düşdüyü yerdən qalxıb ona doğru atıldı, bircə addım atıb dayandı, odluca bir baxış doldurdu gözlərinə. Orxana elə gəldi indicə qol açıb boynuna sarılacaq qız, odlu sözlər ərmağan edəcək ona. Amma atdığı bu bircə 117 addım oldu. Sonra birdən qəfil dönüb bir göyərçin sürətiylə, dünənki kimi, dünənkindən daha bərk kolxozçulara doğru qaçdı. Külək apardı elə bil qızı fırtına götürüb apardı. Elə sürətlə apardı, Orxan bir də huşdan ayılıb özünə gələndə, ağlı üstünə qayıdanda artıq kolxozçulara yaxınlaşmaqdaydı qız. Bəlkə o da ardınca qaçsın qızın? Ayıb deyildimi? Deməzdilərmi bu nə qaçdı-qovdudu belə? Sürəyyanın adamlarıdı yəqin onlar, tanıyırlar qızı, bilirlər kimliyini, o da ardınca düşüb getsə ləkə gəlməzmi qızın adına, deməzlərmi kimdi bu oğlan ardınca düşüb? Sormazlarmı ondan? Bir də heç ayaqları vardı qaça? Tir-tir titrəyirdi qolu, qıçı, dizləri. Görən o qız necə tərpənə bildi, qaça bildi bəs? Haradan tapdı belə bir gücü özündə? Axı bircə an əvvəl qıçları ayaqüstə saxlaya bilməyib yerə çırpmışdı onu. Necə oldu birdən qalxıb bir fırtına kimi qaça bildi? Qız kolxozçulara qarışıb seçilməz olanda Orxan da ta qətsiz qızın bayaq çırpıldığı torpaq üstünə düşdü. Yox, məhəbbətdi bu, bəyaz buludlar, zümrüd göylər, çəkil ağacları, məhəbbətdi bu! Yolunu gözləyib intizarını çəkdiyim, gələcəyinə ümüdlər bəsləyib, həsrətində olduğum, amma etibarım olmadığı, əminliyim olmadığı sevgimdi bu, eşqim, ilhamımdı gözlənilmədən gəlib çıxıb, qəfil haqlayıbdı məni, qaplayıbdı məni! Fəqət, bir də sabahı gözləməli olacağam. İyirmi dörd saatlıq intizar çəkməli olacağam, həsrət çəkməli olacağam. İntizar olmayacaq bu, bir məşəqqət olacaq, yuxusuz keçirdiyim ikinci gecəm olacaq. Dünən gecə yata bilmədim. Bu gecə heç yata bilməyəcəyəm. Dəli sərsərilər kimi durub aydınlıq çölləri gəzinəcəyəm. Gizli görüşlər, əyləncələr şahidi olacağam., əxlaqsızlıq, həzz, şəhvət qurbanlarına, işrət düşgünlərinə rast gəlib ilan çalmış kimi geri atlanacağam, yönümü başqa bir səmtə çevirib ta o ilanlardan bir cütünə də rast gəlincəyədək başı tuşuna çıxıb gedəcəyəm. Sabah açılan kimi uça-uça yenə bu yerə gələcək, indi gizlənib eləməyib, dim-dikcə dayanıb 118 onun gəlməsini gözləyəcəyəm. Dayana bilməyəcək o da, mütləq gələcək, nə olur olsun gələcək! Tanıdacağam özümü, deyəcəyəm Kamal deyiləm mən, Orxanam, mexanizator deyiləm, həkiməm, Tibb institutunun 5-ci kurs tələbəsiyəm, yeddi bacım yoxdu, bircə bacım var, bu pasportum, bu mənim tələbə biletim, bu mənim adresim. Sevirəm səni Sürəyya, bütün varlığımla sevirəm, nə olar kolxozçu olanda, min institut qurtarmış qıza dəyişmərəm səni, yaşaya bilmərəm sənsiz, ölərəm, partlayaram sənsiz! Yüklə 1,51 Mb. Dostları ilə paylaş:
|