İNŞaat materiallari sənayesi VƏ İNŞaat iŞLƏRİNDƏ ƏMƏk giGİyenasi

Dəmir-beton  –  betonla  armatur  poladın  monolit  birləşməsidir.  Onun  hazırlanması 

zavodlarda, evtikmə kombinatlarında yerinə yetirilir. 

Dəmir-beton  məmulatların  istehsalı  texnologiyası  beton  qarışığının  alınması,  qövs  və  ya 

nöqtə-nöqtə qaynaq üsulu ilə armaturun hazırlanması, məmulatların formaya salınması, məmu-

latların isti, rütubətli emalı proseslərini birləşdirir. 

Formaya  salınma  prosesi  aşağıdakı  əməliyyatlardan  ibarətdir:  formaların  yığılması  və 

yağlanması, armatur və atma detalların qurulması, beton qarışığının formalarda yerləşdirilməsi və 

sıxlaşdırılması, isti rütubətli emaldan sonra hazır məhsulun qəlibdən çıxarılması. 

Beton qarışıqlarının müxtəlif sıxlaşdırılma üsulları içərisində vibrasiyanın tətbiq olunması 

daha geniş yayılmışdır. Məmulatların formaya salınması vibrasiya meydançalarında və ya səthi, 

dərinlik  və  dik  vibratorlardan  istifadə  etməklə  həyata  keçirilir.  Son  zamanlar  alçaq  tezlikli,  o 

cümlədən  asinxron  titrəyişli  və  zərbəli  üsullarla  beton  qarışıqların  sıxlaşdırılması  tətbiq  edilir. 

Bunlar enerjinin qənaət olunmasını təmin edərək vibrasiyanın fəhlə orqanizminə zərərli təsirinin 

qarşısını  alır. Hazırda betonun  vibrasiyasız sıxlaşdırılması üsulları  (su ilə, sentrifuqa vasitəsilə, 

presləmə və s.) da inkişaf etdirilməkdədir. 

Formaya  salmadan  sonra  bərkimənin  tezləşdirilməsi  üçün  beton  buxara  vermə, 

avtoklavlaşdırma və ya elektrik qızdırma üsulları ilə isti rütubətli emala məruz qalır. 

Dəmir-beton məmulatların istehsalının bir neçə üsulları mövcuddur: stend (poliqop), kasset, 

konveyer-aqreqat və arasıkəsilməz aqreqat üsulları.