Microsoft Word 88 Hemofiliya

Başın travması. Mərkəzi sinir sisteminə qansızma. 

Hemofiliya zamanı travma nəticəsində baş beyin və onurğa 

beyni, eləcə də onların qişalarına qansızma baş verə bilər. Ayrı-ayrı 

hallarda bu növ qansızmaların səbəbi hipertonik kriz və 

trombositlərin hemostatik funksiyasını pozan preparatların (məs., 

aspirin, butadion) qəbulu ola bilər. Kəllə travması almış hemofiliyalı 

xəstədə ocaqlı simptomatikanın yaranması təcili surətdə antihemofil 

preparatların tətbiq olunması və nevroloqun nəzarəti altında stasionar 

müalicənin aparılması  zərurətini yaradır. Hemofiliyalı  xəstədə 

yuxuculluq və ya qeyri-adi baş  ağrısının müşahidə olunması baş  və 

ya onurğa beyninə mövcud qansızmaların simptomları olub, xəstənin 

təcili hospitalizə olunmasına göstərişdir. 

Kəllənin posttravmatik zədələnmələri və güclü baş ağrıları beyinə 

qansızma kimi müalicə olunmalıdır. 

Əgər xəstə  kəllə-beyin travması alıbsa və ya travmanın 

simptomları varsa, dərhal faktorun səviyyəsini qaldırmaq lazımdır. 

Sonrakı dozalar vizual müayinələrin nəticələrindən asılıdır. 

Etiologiya təyin olunana qədər faktorun səviyyəsini müəyyən həddə 

saxlamaq lazımdır.  Əgər qansızma təsdiq olunursa, 10-14 gün 

ərzində faktorun adekvat səviyyədə qalmasını təmin eləmək lazımdır 

(D)

3,5

 (Cədvəl 5). 

Təcili olaraq faktor səviyyəsini hemofiliya A zamanı 80-100%; 

hemofiliya B zamanı 70-80% yüksəltmək lazımdır. Xəstənin 

vəziyyəti yaxşılaşana qədər faktor səviyyəsini hemofiliya A zamanı 

50%; hemofiliya B zamanı 30% saxlamaq lazımdır.  

Təcili tibbi qiymətləndirmə  tələb olunur. Baş beynin kompüter 

tomoqrafiyası  və ya MRT aparılmalıdır.  İlkin mərhələlərdə  xəstə 

nevroloq məsləhətindən (və ya müayinəsindən) keçməlidir (D)

79

. 

Əgər kəllə-beyin travmasına  şübhə varsa, öncə faktor 

konsentratları ilə müalicə, sonra isə diaqnostika aparılmalıdır. 

Güclü baş  ağrıları  zəif immuniteti olan xəstələrdə meningitin 

əlaməti ola bilər. 

Kəllədaxili qansızmalar, xüsusən təkrari qanaxma ehtimalı 

yüksəkdirsə (məs.,  İİV-infeksiya fonunda), uzunmüddətli ikincili 

profilaktikaya (3 aydan 6 aya qədər ) göstəriş ola bilər (C)

80

.