Xəstəlikləri” fənni Giriş. Dişlərin və ağız boşluğu selikli qişasının anatomo- fizioloji xüsusiyyətləri haqqında qısa məlumat

 Plastik fuksiyalar. Yastı epitel qatının külli miqdarda hüceyrələri qopub qğız suyuna 
qarışırlar. Bu itki daha dərin qat hüceyrələrinin bölünməsi hesabına bərpa olunur. Bu 
mitoz prosesidir. Mitoz çoxqatlı epitelin alt – tikanlı və bazal qatlarının hüceyrələri 
hesabına baş verir. Bu mitoz indeksi ilə ölçülür. Mitoz indeksi hər 1000 hüceyrəyə 
düşən mitozun miqdarı deməkdir. Ağız boşluğu epitelində mitoz indeksi təqribən 2,1 

---

– 2,2 –yə bərabərdir. Ümumiyyətlə, ağızın selikli qişasının mitoz aktivliyi dərinin 
epidermisinin mitoz aktivliyindən 3-4 dəfə yüksəkdir. Bu isə öz növbəsində ağız 
boşluğu selikli qişasının yüksək regenerasiya qabiliyyətini şərtləndirir. Ona görə də, 
hər hansı səbəbdən dərinin və selikli qişanın tamlığı pozularsa, müqayisədə mövcud 
yaralar ağız boşluğunda daha tez sağalırlar.