Өзбекстан Республикасы жоқары ҳәм орта арнаўлы билимлендириў министирлиги
Yüklə 1,39 Mb. Pdf görüntüsü
|
| 5. «Ullı taw» tolǵawı. Jiyen jırawdıń tolǵawları qaraqalpaq xalqı ótmishiniń
guwası. Onıń «Ullı taw» tolǵawındaǵı tiykarǵı syujette el biyleriniń ala awızlıǵı nátiyjesinde xalıq qorlıqlı awhalǵa túsedi, el búlinip bereketi qashadı, biylerdiń bir- birinen ósh alıw ushın bolǵan óz ara jánjelleri tamam bolmaydı. Eldegi bunday awır siyasiy hám sociallıq jaǵdaylardı Jiyen jıraw tınısh turmıs keshiriwdi qáleytuǵın puqara xalıqtıń tárepdarı bolıp jırlaydı. Aldım artım, biyik jar, Xanlardıń peyli tar eken, Baylar menen biylerdiń, Etken qısıwmetinen, Jaz kúnlerim qar eken, Nan tabalmay adamzat, Qapılǵan qara zamanda, Iytten beter xor eken, Teńlik jetpey basına, Ishi dártke tolı eken, Qayda barsań ashıq jol, Qurıwlı turǵan tor eken, Jetim-jesir shuwlaǵan, Bir tislem nanǵa zar eken. «Ullı taw» tolǵawı shayırdıń «Posqan el» tolǵawınıń ideyalıq dawamı sıpatında bolıp, onda xanlardıń, bay hám biylerdiń xalıqqa jasaǵan qısımı, onı jónsiz tonawı, tábiyat qıyınshılıqları sebepli eldiń búlinip posqanı táriyiplengen. 162 Ulıwma alǵanda, «Ullı taw» shıǵarması qaraqalpaq xalqı tariyxınıń oǵada awır kúnleriniń guwası bolıp tabıladı. Shayırdıń «Posqan el», «Ullı taw» tolǵawları qaraqalpaqlardıń ata jurtı Túrkstannan Sırdaryanıń ayaǵı, Quwandarya boylarınan Xorezmge, yaǵnıy házirgi jasap atırǵan jerlerine kelgennen keyingi bir ásirlik dáwirdiń kórkem sáwlesi bolıp tabıladı. Bul shıǵarmalarında ol hár qanday qıyınshılıqqa, búlginshilikke, posqınshılıq, jawızlıq hám teńsizlikke ushıraǵan eldiń muń-sherin, arzıw- ármanların ortaqlasadı. Onıń barlıq shıǵarmalarında patriotlıq, gumanistlik ideyalar sáwlelengen. Jiyen jırawdıń «Posqan el» hám «Ullı taw» tolǵawları qaraqalpaq xalqınıń tariyxın, táǵdirin, onıń óz betinshe xalıq bolıp hám basqa xalıqlar menen teń bolıp jasaw máselelerin ortaǵa taslawı jaǵınan da áhmiyetli. Yüklə 1,39 Mb. Dostları ilə paylaş:
|