2915-“İaşə məhsullarının istehsal texnologiyası” fənni üzrə Mühazirə 1;2

 
Pirojna və piroq.
Əsas xəmirin resepti: əla növ un-1st, kərə yağı və ya marqarin -80q. Yumurta-
6ədəd, ¼ ç.q, su və ya süd-2/3st. 
Un ələnir. Qazana su, yağ və duz tökülüb yaxşıca qarışdırılır ki, deyirlər 
əmələ gəlməsin. Taxta qaşıqla qarışdırmaq şərtilə 1-2 dəqiqə qızdırılır. Bişmiş 
kütləni ocaqdan götürüb 70-80 dərəcəyə qədər soyudulur, qarışdıra-qarışdıra bir-
bir yumurta əlavə edilir. Bu zaman xəmiri çalmaq olmaz, ancaq eynicinsli kütlə 
alınana qədər qarışdırmaq lazımdır. Yumurta çox iridirsə 5 ədəd, çox xırdadırsa 7 
ədəd götürmək lazımdır. Hazır xəmir yumşaq, özlü konsistensiyaya malik olur. 
Xəmir ucunda konusvari dəmir olan (diametri 10-15 mm) qənnadı kisəsinə və 
yaxud perqament kağızından üçkünc torbaya töküb müxtəlif formalarda qənnadı 
təbəqələrinə çökdürürlər. Qənnadı təbəqələrini yaxşı yağlamaq lazımdır. 
Dəmlənmiş xəmirdən hazırlanan məmulatı 180-200 dərəcədə 30-40 dəqiqə 
bişirirlər. Bişmiş məmulatın içərisindəki boşluğa yağlı və ya zülallı krem, povidlo, 
mürəbbə və ya digər içliklər qoyulur. 
 
Ekler pirojnası. 
Xəmirin resepti və hazırlanma qaydası əsas xəmirdə olduğu kimidir. 
Yağlı krem üçün: kərə yağı- 100q, qatılaşdırılmış süd-6 x.q. vanilin. 
Üstünə sürtməyə pomadka üçün: toz-şəkər-8 x.q., su 6-x.q, kakao tozu-2ç.q. 
Hazırlanmış xəmiri kiçik çubuq formasında qənnadı təbəqələrinə çökdürüb 
bişirirlər. Bişmiş pirojnalar soyuduqdan sonra bir qırağından bıçaqla kəsilib, həmin 
yerdən pirojnanın içinə krem doldurulur. Kremi qənnadı şirəsinə və yaxud 
perqament kağızından hazırlanmış üçkünc torbaya töküb, oradan sıxmaqla 
pirojnanın içinə doldurmaq olar. 
Pirojnaların üstünə şokoladlı pomadka çəkilir. 
Krem və pomadkanın hazırlanması yarımfabrikatlar bölməsində verilmişdir. 
 
Badamlı piroq. 

---

89
Əla sort un-1st., toz-şəkər-3 x/q, badam-0,5st., yumurta ağı-8 ədəd, şəkərli 
vanilin-bir çimdik. 
Badam ətçəkən maşından və ya sürtgəcli maşından keçirilir. Yumurta ağı 
soyudulur, köpük əmələ gələnə kimi çalınır, şəkərin yarısı əlavə edilib, yenidən 
çalınır. Qalan xammallar (un, badam, şəkər, vanilin) əlavə edilib xəmir yoğrulur. 
Forma yağlanır, un və ya badam ovuntusu səpilir və xəmir eyni bərabərlikdə 
yayılır. 160-180 dərəcə temperaturda 30-40 dəqiqə bişirilir. 
Vanilli piroq. 
Əla sort un-2st., toz-şəkər-1,5st., kərə yağı-300q, nişasta-2 x/q, yumurta-10 
ədəd, şəkərli vanilin-1 ç/q. 
Yumurtanın ağını sarısından ayırın. Yağı xama konsistensiyasına qədər isidib, 
üzərinə nişasta və vanilin töküb taxta qarışıqla qarışdırın, sonra az-az yumurta sarısı 
əlavə edib kütləni çalın. Başqa qabda soyudulmuş yumurta ağını 10-12 dəqiqə çalıb 
üzərinə toz-şəkər əlavə edin. Şəkər əridikdən sonra iki çalıntını bir-birinə qatıb un 
əlavə edərək xəmir yoğurun. Xəmiri qarışdırmaq olmaz, əks halda rezınləşir. Hazır 
xəmir, içinə yağ sürtülmüş qənnadı formasına tökülür, səthi hazırlanır, 180-200 dərəcə 
temperaturda 25-30 dəqiqə bişirilir. Soyuduqdan sonra şəkər kirşanı səpilir.