Microsoft Word yeni vəSAİT. docx

Elmi işlər barədə təqdimatların hazırlanması. Təqdimatın hazırlanmasına 
başlamazdan əvvəl məqsədli auditoriya və çıxış müddəti müəyyən edilməlidir. 
Təqdimatın necə qurulması ondan asılı olacaq. Ən tipik xüsusi halları nəzərdən 
keçirək. Dissertasiya işinin müdafiəsi Bu ən qısa təqdimatlardandır, 5-10 dəqiqə. 
Məsələnin qoyuluşu və alınan nəticələrin sadalanması üzərində diqqəti 
cəmləşdirmək lazımdır. Attestasiya komissiyasına qoyulan problemin mürəkkəbliyi 
aydın olmalıdır. Sizin onun üzərində səylə çalışmısınız və nəyisə yaxşılaşdıra 
bilmisiniz komissiya üzvlərinə çatdırılmalıdır.. Komissiya üzvləri sizin problem və 
onun terminalogiyasına yaxşı bələd olmaya bilərlər. Ona görədə texniki xırdalıqlar 
üzərində dayanmaq lazım deyildir. Bununla yanaşı slaydlarda bu texniki xırdalıqlar 
kifayət qədər mürəkkəb ifadə, cədvəl və qrafiklər formasında göstərilə bilər. 
Müzakirə etdiyiniz fraqmentləri rəngli və yaxudda yağlı şriftlərlə qeyd etmək 
məsləhət görülür. Əgər kimdəsə onlar maraq doğurarsa onda həmin məsələlər üzrə 
suallar verəcəkdir. Təqdimatda işin şəxsən müəllif tərəfindən təklif edildiyi qeyd 
edilməlidir. Digər tərəfdən öz şəsiyyətini həddən ziyada qabartmaqda tövsiyə 
edilmir. Ciddi üslub və anlaşıqlı nitq alqışlanır. Adətə fəlsəfə doktoru dissertasiyası 
15-20, doktorluq dissertasiyası 35-40, magistr dissertasiyası isə 10 dəqiqə çəkir. 
Konferensiyada çıxışlara adətən 20 dəqiqə vaxt ayrıır. Bu vaxt başa çatmış problemi 
və onun mühüm məqamlarını işıqlandırmaq üçün optimal hesab edilir. Təqdimat 
hazırlıqlı dinləyiciyə hesablanıb. Mövzunun xırdalanma dərəcəsi onu başa düşə 
biləcək dinləyicilərin sayından asılı olmalıdır. Təqdim edilən slaydları auditoryanın 
heç olmazsa ən azı yarısının başa düşməsi arzuolunandır. Təqdimat ərzində sizin 
fərdiliyinizi qeyd edə biləcək bir-iki zarafat yerinə düşərdi. Dizayn ciddi olmalı və 
diqqəti işin mahiyyətindən yayındırmamalıdır.