Oʻzbekiston respublikasi oliy va oʻrta maxsus ta’lim vazirligi

2-bob. Tijorat banklariga qo‘yiladigan muvofiqlik mezonlari
va ta’lim krediti uchun ularga depozitlarni joylashtirish tartibi 
6. Jamg‘arma tomonidan ta’lim kreditlari uchun depozitlarni joylashtirishda 
tijorat banklariga nisbatan quyidagi muvofiqlik mezonlari belgilanadi: 
tijorat bankida ta’lim kreditlarini ajratish yuzasidan aniq belgilangan ichki 
tartibning mavjudligi; 
tijorat banki “Fitch Ratings” yoki “Standard & Poor’s” reyting 
agentliklarining “V” darajasidan yoki “Moody’s Investors Service” reyting 
agentligining “V2” reytingidan past bo‘lmagan darajada uzoq muddatli kredit 
reytingiga ega bo‘lishi; 
oxirgi uch yillik moliyaviy hisobotlar bo‘yicha auditorlik tashkiloti ijobiy 
xulosasining mavjudligi. Agar tijorat banki uch yildan kam muddat faoliyat 
ko‘rsatgan bo‘lsa, tijorat bankining faoliyat yuritgan yillar uchun moliyaviy 
hisobotlari bo‘yicha auditorlik tashkilotining ijobiy xulosasi mavjud bo‘lishi; 
tijorat bankining regulyativ kapitali 500 milliard so‘mdan kam bo‘lmasligi; 
tijorat banki Davlat byudjeti mablag‘lari, shu jumladan, O‘zbekiston 
Respublikasi Moliya vazirligi (keyingi o‘rinlarda – Moliya vazirligi) tomonidan 
joylashtirilgan depozitlar bo‘yicha muddati o‘tgan qarzdorlikka ega bo‘lmasligi; 
Markaziy bank tomonidan belgilangan prudensial normativlar buzilganligi 
sababli unga nisbatan ta’lim krediti berilishiga to‘sqinlik qiluvchi amaldagi chora va 
sanksiyalar mavjud bo‘lmasligi. 
Moliya vazirligi mazkur bandning ikkinchi – oltinchi xatboshilarida nazarda 
tutilgan hujjat va ma’lumotlarni murojaat etuvchi tijorat banklaridan, mazkur 
bandning yettinchi xatboshisida keltirilgan ma’lumotlarni Markaziy bankdan 
belgilangan tartibda so‘rab oladi. 
Moliya vazirligi tijorat banklarining muvofiqlik mezonlariga mos kelishini 
baholashda Markaziy bankdan ularning moliyaviy holati to‘g‘risidagi qo‘shimcha 
axborotni so‘rab olishi mumkin. 

---

32 
7. Tijorat banklari ushbu Nizomning 6-bandida ko‘rsatilgan mezonlarga 
muvofiqlikni tasdiqlovchi hujjat va ma’lumotlarni Jamg‘armaga taqdim etadi. 
Taqdim etilgan hujjat va ma’lumotlar Jamg‘arma tomonidan besh ish kunida 
ushbu Nizomning 6-bandida ko‘rsatilgan mezonlarga muvofiqligi yuzasidan 
o‘rganiladi. 
Belgilangan mezonlarga muvofiq deb topilgan tijorat banklari va Moliya 
vazirligi o‘rtasida ta’lim kreditlari uchun depozit joylashtirish yuzasidan Bosh bitim 
(keyingi o‘rinlarda – Bosh bitim) tuziladi. 
Jamg‘arma tomonidan ushbu Nizom doirasida joylashtirilgan depozit tijorat 
bankining birinchi darajali regulyativ kapitalidan oshib ketmasligi lozim. 
8. Tijorat banklari ushbu Nizomning 6-bandida ko‘rsatilgan mezonlarga 
muvofiq emas deb topilganda, ular bilan Bosh bitim tuzishni rad etish haqida tegishli 
tijorat banklari yozma tarzda xabardor qilinadi. 
9. Moliya vazirligi doimiy ravishda ushbu Nizom doirasida Moliya vazirligi 
bilan Bosh bitim tuzgan tijorat banklarining ro‘yxatini o‘zining rasmiy veb-
saytlarida e’lon qilib boradi. 
10. Moliya vazirligi tijorat banklariga ta’lim kreditlari ajratish uchun
15 yildan ko‘p bo‘lmagan muddatga depozit joylashtiradi. 
11. Tijorat banklari tomonidan ta’lim krediti olish istagini bildirgan kredit 
oluvchilar reyestri shakllantiriladi va ushbu reyestr asosida ta’lim krediti uchun 
depozit olish maqsadida Jamg‘armaga buyurtmanoma taqdim qilinadi. 
Tijorat banklari tomonidan fuqarolarning ta’lim kreditiga bo‘lgan talabini o‘z 
vaqtida qondirish maqsadida tijorat banklarining o‘z mablag‘lari hisobidan ushbu 
Nizomda belgilangan shartlarda ajratilgan ta’lim kreditlari Moliya vazirligi 
tomonidan joylashtirilgan depozit hisobidan qayta moliyalashtirilishi mumkin. 
12. Ta’lim tashkilotlari o‘quv yili davomida to‘lov-kontrakt miqdori 
o‘zgargan taqdirda, bu haqida tijorat banklarini to‘lov-kontrakt miqdori o‘zgargan 
kundan boshlab besh ish kuni mobaynida xabardor qiladi. 
13. Jamg‘arma buyurtmanomalar tushgan kundan boshlab besh ish kunida 
tijorat banklari va Moliya vazirligi o‘rtasida ta’lim krediti uchun depozit 
joylashtirish bo‘yicha depozit shartnomasi imzolanib, tegishli mablag‘lar tijorat 
banklarining tegishli hisob varag‘iga o‘tkazib berilishini ta’minlaydi. 
14. Bosh bitimga muvofiq Jamg‘arma depozitni tijorat banklariga 10 foiz 
stavkada joylashtiradi.