Oʻzbekiston respublikasi oliy va oʻrta maxsus ta’lim vazirligi

3-bob. Ta’lim kreditini rasmiylashtirish va ajratish tartibi 
15. Oliy, o‘rta maxsus va professional ta’lim tashkilotlarida xotin-qizlarning 
to‘lov-kontrakt asosida o‘qishi uchun ta’lim kreditlarini ajratish mazkur Nizomga 
ilovaga muvofiq sxema asosida amalga oshiriladi. 

---

33 
16. Kredit oluvchi ta’lim kreditini olish uchun Moliya vazirligining rasmiy 
veb-saytida e’lon qilingan tijorat banklariga quyidagi hujjatlarni taqdim etadi: 
a) ta’lim krediti olish to‘g‘risida ariza; 
b) talaba va ta’lim tashkiloti o‘rtasidagi to‘lov-kontrakt asosida o‘qish haqida 
belgilangan tartibda rasmiylashtirilgan shartnoma (kontrakt) va unga ilova 
qilinadigan hisob varaqasi/faktura (mavjud bo‘lganda). Shartnoma (kontrakt)da 
o‘qishni tamomlashning belgilangan muddati va bir yil uchun to‘lov miqdori 
ko‘rsatilgan bo‘lishi lozim; 
v) tijorat bankining kredit siyosatiga muvofiq ta’lim krediti qaytarilishining 
ta’minoti bo‘yicha hujjat. Bunda “Ijtimoiy himoya yagona reyestri”ga kirgan 
oilalarning xotin-qizlariga ajratiladigan ta’lim krediti bo‘yicha garov va kafillik 
talab etilmaydi; 
g) “Ijtimoiy himoya yagona reyestri”ga kiritilganligini tasdiqlovchi 
ma’lumotnoma (“Ijtimoiy himoya yagona reyestri”ga kiritilgan oilalar xotin-qizlari 
uchun). 
17. Kredit oluvchi ushbu Nizomning 16-bandida belgilangan hujjatlarni 
tijorat bankiga taqdim etish bilan bir vaqtda shaxsini tasdiqlovchi hujjatni shaxsan 
ko‘rsatadi. Tijorat banki taqdim etilgan hujjatlardan zarur ko‘chirmalar va nusxalar 
olishga haqlidir. 
18. Tijorat banki kredit oluvchi tomonidan ta’lim krediti berishni so‘rab 
taqdim qilingan ariza va unga ilova qilingan hujjatlarni besh ish kuni mobaynida 
ko‘rib chiqib, ta’lim krediti shartnomasini imzolaydi.
Kredit oluvchi tomonidan taqdim etilgan hujjatlar mazkur Nizom va tijorat 
bankining kredit siyosati talablariga muvofiq bo‘lmagan holatlarda tijorat banki 
tomonidan kredit berishni rad etish to‘g‘risida qaror qabul qilinadi hamda ariza 
beruvchiga kredit berishni rad etishning aniq sabablari ko‘rsatilgan holda javob xati 
yuboriladi. 
19. Ta’lim krediti shartnomasi kredit oluvchi tomonidan taqdim etilgan talaba 
va ta’lim tashkiloti o‘rtasidagi to‘lov-kontrakt asosida o‘qish haqidagi shartnoma 
(kontrakt)da ko‘rsatilgan bir yillik to‘lov summasiga teng miqdordagi summaga 
tuziladi. 
Bunda keyingi o‘quv yili uchun to‘lov-kontrakt asosida o‘qish haqidagi 
shartnomada belgilangan to‘lov miqdori va ta’lim krediti olish to‘g‘risidagi arizadan 
kelib chiqib kredit miqdori ta’lim krediti shartnomasiga qo‘shimcha kelishuv 
imzolash orqali oshirib boriladi. 
20. Tijorat banklari tomonidan ta’lim kreditini ajratish kredit oluvchining 
ssuda hisob varag‘idan uning shaxsiy yozma topshirig‘i asosida kredit oluvchi va 
ta’lim tashkiloti o‘rtasidagi to‘lov-kontrakt asosida o‘qish haqida belgilangan 

---

34 
tartibda rasmiylashtirilgan shartnoma (kontrakt) yoki hisob varaqasi/fakturada 
ko‘rsatib o‘tilgan hisob varag‘iga mablag‘ o‘tkazish yo‘li bilan amalga oshiriladi.