D. O‘rinbayeva m. Rahimova
Yüklə 0,89 Mb. Pdf görüntüsü
|
- Bu səhifədəki naviqasiya:
- TABIATNING OLIY MAHSULI
- DUNYONING BIRINCHI MO‘JIZASI
- DUNYONING IKKINCHI MO‘JIZASI
- TOG‘DA TONG
|
XORAZM Xorazm o‘zbek ilm-fani, san’ati va madaniyatining eng qadimgi o‘choqlaridandir. Bu tuproqdan yetishib chiqqan Xorazmiy, Beruniy, Jaloliddin Manguberdi, Ogahiy kabi allomalarni butun dunyo biladi. Xivadagi ajoyib qal’alar, muhtasham binolar va ko‘kka bo‘y cho‘zgan minoralar dunyoning boshqa yerida yo‘q (37 ta so‘z). YOZ Qishdan keyin bahor, bahordan keyin go‘zal yoz keladi. Yozning qoq o‘rtasida 22 iyunda yozgi quyosh tutilishi yuz beradi. Endi yoz o‘zining haqiqiy kuchini ko‘rsatadi. Kunlar juda isiydi, bolalar suvdan chiqmay 23 qolishadi. Ta’til kunlari bolalar maza qilib oromgohlarda dam olishadi (36 ta so‘z). TABIATNING OLIY MAHSULI Inson - tabiatning oliy mahsuli. Boshqacha qilib aytganda - farzandi. Tabiat marhamatisiz yashay olmas ekanmiz, demak u bizning onamiz. Ha, shuning uchun ham ona-tabiatni, uning qushlari, hayvonlari, o‘simliklari va boshqa boyliklarini sevishimiz, e’zozlashimiz va ko‘paytirib borishimiz kerak (37 ta so‘z). DUNYONING BIRINCHI MO‘JIZASI Bizning zamonamizga qadar yetib kelgan mo‘jizalardan yagonasi va ular orasida oldin tilga olinadigani Misrdagi Xeops ehromidir. Bundan qariyb 5000 yil muqaddam qurilgan bu inshoot fir’avn va uning zavjasi dafn etilgan joy sanaladi (32 ta so‘z). DUNYONING IKKINCHI MO‘JIZASI Hozirgi Iroq o‘rnida bo‘lgan Bobil devorlari dunyoning ikkinchi mo‘jizasi hisoblanadi. Ularni miloddan qariyb 600 yil avval mashhur podsho Navxudonosorning hukmiga binoan bunyod etganlar. Balandligi 100 m bo‘lgan, g‘ishtdan terilgan ushbu devorlar hozirda vayronalar uyumiga aylanib qolgan (36 ta so‘z). BOZOR Bozor shovqin-suron. Havoda to‘zon buluti. Uzoq-yaqin dalalardan, qirlardan qozoqlar biri otda, biri tuyada, biri eshakda, ba’zi kambag‘allar yayov kelgan. Boylar, qo‘yfurushlar gerdayib, g‘urur bilan bozorni ot ustida oralaydilar. Qo‘y bozor. Qo‘y serob. Savdo qizg‘in (34 ta so‘z). ZARG‘ALDOQ Zarg‘aldoq – juda foydali qush. Ular bog‘ va o‘rmonlar uchun zararli bo‘lgan parrandalar yoqtirmaydigan zaharli, sertuk kapalak qurtlari, daraxtlarda yashaydigan qo‘ng‘izlar bilan oziqlanadilar. Zag‘chalar turli zararkunanda hasharot: tillaqo‘ng‘iz, barg qurti va boshqalarni qirib, ko‘p foyda keltiradi (35 ta so‘z). 24 TOG‘DA TONG Tog‘da tong otishini kuzatish juda ajoyib bo‘ladi. Dastlab tog‘ning eng baland cho‘qqilari pushti rangda tovlanadi. Bu cho‘qqilar quyoshni birinchi bo‘lib kutib oladilar. Keyin quyosh balandroq ko‘tariladi, oqish osmon och ko‘kimtir tusga kiradi. Cho‘qqilardagi qorlar jimir-jimir qilib yaltiray boshlaydi (38 ta so‘z). Yüklə 0,89 Mb. Dostları ilə paylaş:
|