Orijinal adı: «Education Glossary»

 
Emosional və Davranış Çətinlikləri (Emosional and Behavioral Difficulties (EBD) - Sosial, 
emosional və davranış inkişafı cəhətdən əlavə köməyə ehtiyacı olan şagirdlərin (tələbələrin) bu 
problemini təsvir edən ümumi ad.
Empirik yanaşma (Empirical approach) – İdrak üçün məntiqi təhlil və nəzəri 
ümumiləşdirmənin rolunu azaltmaqla yalnız hissi qavrayışa, təcrübəyə söykənən yanaşma. 
 
Erkən yaş dövrü (Infancy) – Hər bir ölkədə uşaqların erkən yaş dövrünü müəyyən edən meyar 
mövcuddur ki, bu baxımdan da erkən yaş dövründə uşaqların sağlamlığı, qidalanması, inkişafı, 

---

- 15 - 
psixo-sosial 
qayğının göstərilməsi, məktəbəqədər təhsilin inkişafı sahəsində səylərin 
əlaqələndirilməsi, bu sahədə vahid sistemin yaradılması və s. mühüm əhəmiyyət kəsb edir.
Erkən yaşlı uşaqların təhsili (Early Childhood Education) - Uşaqlar üçün ibtidai təhsilə 
başlamazdan əvvəl məktəbəqədər müəssisə, uşaq bağçası, körpələr evi və s. tərəfindən həyata 
keşirilən təhsil proqramları. 
Esse (Kiçik inşa testi) (Essay Test) – İmtahan iştirakçılarından suallara yazılı formada cavab 
verməyi tələb edən test. Cavablar qısa, yaxud geniş formada ola bilər. Yazılı test tapşırıqları fikri 
ifadə etmək, həmçinin fənn üzrə bilikləri tətbiq etmək bacarığını, məlumatı təşkil və təqdim etmək, 
öz fikir və nöqteyi-nəzərini ifadə etmək, orijinal yazı yazmaq kimi bacarıqları yoxlamaq məqsədi 
güdür.  
 
Etalon (Anchor) – Hər hansı bir şeylə müqayisə üçün ən dəqiq ölçü nümunəsi. Qiymətləndirən 
şəxs şagirdin (tələbənin) yerinə yetirdiyi tapşırığı konkret etalonla müqayisə edərək, onu, misal üçün, 
1-dən 5-ə qədər olan şkala üzrə qiymətləndirmək üçün, həmin şkalanın hər bir səviyyəsini əks etdirən 
etalonlardan istifadə edir. Böyük Britaniyanın təhsil müəssisələrində “etalonlar”, adətən, “yazılı iş 
nümunələri”, yaxud “müqayisə nümunələri” adlandırılır.