Orijinal adı: «Education Glossary»

İnnovasiya (İnnovation) - müxtəlif təşəbbüs və elmi tədqiqatlar əsasında formalaşan mütərəqqi 
xarakterli, səmərəli yenilik və ixtiralar. 
İnsan Haqları Təhsili (Human Rights Education, (HRE) - İnsan haqlarının tarixi və 
qanunauyğunluqlarının, insanların münasibət və davranışlarının öyrənilməsinə yönəlmiş təlim.
İntellektual test (Intelligence Test) – Fərdin öyrənmə bacarığını və ya intellektual bacarıqlarını 
üzə çıxarmaq məqsədilə tətbiq edilən test. İntellektual bacarıqlar dedikdə, qarşılıqlı münasibətləri 
duymaq, anlamaq, assosasiya yaradan fikirləri yada salmaq bacarığı və s. nəzərdə tutulur. 
İnteraktiv bacarıqlar (Interactive skills). Qarşılıqlı ünsiyyətə əsaslanan interaktiv bacarıqlar 
təlim prosesində söhbət və dialoq rejimində fəaliyyəti təmin edir.
İnteraktiv təlim metodları biliklərin hazır şəkildə verilməsini deyil, şagirdlərin bu bilikləri birlikdə 
axtarıb tapmalarına yardımı nəzərdə tutur; bu zaman müəllim təşkiledici, əlaqələndirici, 
istiqamətverici və məsləhətverici, şagirdlər (tələbələr) isə təcrübəçi, tədqiqatçı və yaradıcı subyektlər 
kimi fəaliyyət göstərirlər.
İnteqrativ kurikulum (Integrated curriculum) - Tematik vahiddə birləşmiş iki və daha çox 
sahənin müzakirə predmeti. 
İnterpretasiya, şərh etmə (Interpretation)
 
- Test üzrə
qiymətləndirmənin şagirdlərə (tələbələrə) 
izah edilməsi. Burada məqsəd onların qiymətləndirmənin hər bir mərhələsini, qiymətləndirməyə dair 
anlayışların mahiyyətini başa düşmələrini təmin etməkdir. Şərhetmə zamanı şagird (tələbə) məsələn, 
faiz nisbəti dedikdə, düzgün cavab verilən tapşırıqların faiz nisbətinin deyil, standart qrupda konkret 
həddən aşağı nəticələr göstərən şagirdlərin faiz nisbətinin nəzərdə tutulduğunu öyrənir.
İntizam (Discipline) – Təlim prosesində həm öyrədən, həm də öyrənənlər üçün ümumi davranış 
qaydalarını müəyyən edən normaların məcmusu.