Orijinal adı: «Education Glossary»

Özəl məktəb (Private school) - Şəxsi təşkilatçılar tərəfindən təsis edilən, şəxsi büdcədən 
maliyyələşən ödənişli təhsil müəssisəsi. Özəl məktəblər aid olduğu quruma və yerinə yetirdiyi 
vəzifələrin əlamətlərinə görə üç növə ayrılır: a) müəyyən müəssisə və ya müəssisələr qrupuna aid 
olan - kadr tələbatından irəli gələn özəl məktəblər; b) qeyri-hökumət təşkilatı, siyasi partiya, 
həmkarlar ittifaqı və dini qurumlar yanında fəaliyyət göstərən özəl məktəblər; c) yerli 
özünüidarəetmə (bələdiyyə) orqanları yanında fəaliyyət göstərən özəl məktəblər.
Özünü başqa şəxsin yerinə təqdim etmə (Impersonation) - İmtahan qeydiyyatından keçməyən 
bir şəxsin imtahan qeydiyyatından keçmiş namizədin əvəzinə imtahanda qeyri-qanuni iştirakı.
Özünüdərketmə (Metacognition) – İnsanın şəxsi tələbat və qabiliyyətlərinə, fikir və hisslərinə, 
davranış və fəaliyyət motivlərinə şüurlu münasibəti. Özünüdərketmə öz-özünə öyrənmə prosesinin 
nizama salınmasına kömək edir.

---

- 37 - 
 
Özünüqiymətləndirmə və özünüdüşünmə (Self-assessment and self-reflection) – Öyrənən, 
yaxud öyrədən subyektin öz işinin keyfiyyəti haqqında verdiyi hökm.
 
P 
 
P - göstəricisi (p-value) - Tapşırığın çətinlik dərəcəsini
 
müəyyən edən statistik göstərici, Böyük 
Britaniyada çox vaxt tapşırığın asanlıq dərəcəsi də adlandırılır.
Tapşırığın p göstəricisi 1 və ya 0 olarsa, bu, tapşırığa düzgün cavab vermiş subyektlərin payını 
(və ya faiz nisbətini) göstərir. Subyektlərin cəmi 10 faizinin düzgün cavab verdiyi çətin sualın p 
göstəricisi 0.10 (və ya 10), subyektlərin 80 faizinin düzgün cavab verdiyi nisbətən asan sualın p 
göstəricisi isə 0.80 (və ya 80) olacaq.