Psixometriya (Psychometry / psychometrics) - eksperimental psixologiyanın bir bölməsi olub,
insan davranış və keyfiyyətlərinin kəmiyyət baxımından qiymətləndirilməsi ilə məşğul olan, statistik
ölçmə və insan davranışları modellərinə əsaslanan elm sahəsi.
R Rabitə (Communication) - Hər hansı məlumatın, materialın, siqnalın, işarənin, mənanın bir
subyektdən digərinə ötürülməsi.
Raş Modeli (Rasch Model) - Corc Raşın şərəfinə adlandırılan, tapşırığın ən sadə, ancaq çox
geniş yayılmış cavablandırılması modeli. Raş modelinə əsasən, şagirdlərin verilmiş tapşırıq
suallarına uğurlu cavab verməsi ehtimalı fərdin bacarıqları ilə tapşırığın çətinliyi arasındakı əlaqədən
asılıdır.
Real hadisənin öyrənilməsi metodu (Case Study Method) -Problemin həlli yollarının real
hadisələr üzrə müəyyənləşdirilməsi. Bu metodun tətbiqi zamanı müəllim və şagirdlər (tələbələr)
faktların öyrənilməsi, təhlili, qrup müzakirəsi vasitəsilə problemləri eyniləşdirməyi öyrənir, onların
çoxtərəfli həlli yollarını düşünür, nəticələr haqqında daha dərin fikirləşir, təkliflər verir və mümkün
həll yolunu qiymətləndirir, cavablarin düzgün, yaxud səhv olmasından asılı olmayaraq, situasiyaya
uyğun hərəkət planları üzərində düşünməyə başlayırlar.
Resurs mərkəzi (Resource Center) - Audio-vizual materialların nümayişinə imkan yaradan
texniki vasitələrə, çap və digər materiallar toplusuna malik olan Resurs mərkəzi “audio-vizual mərkəz”,“təlim materialları mərkəzi”, “öyrənməyə yardım laboratoriyası”, “ictimai-informasiya resurs mərkəzi ” və s. adlar altında fəaliyyət göstərir.
Risk qrupunda olan uşaqlar\təhlükəyə məruz qalan uşaq və gənclər (Children and youth at risk) – Maddi imkansızlıq, erkən hamiləlik
,
əlillik, cinayət, zorakılıq, spirtli içki / narkotik istifadəsi
və təhsil üçün əlverşsiz olan digər sosial-iqtisadi çətinliklərlə üzləşmiş uşaq və gənclər. Bu qrupa
daxil olan uşaqlar tədris prosesində xüsusi diqqət və yanaşma tələb edən şagirdlərdir (valideyn
himayəsindən məhrum olan uşaqlar, küçə uşaqları, qaçqın və məcburi köçkün uşaqları və s.). Bu
qrupa həm təlim keçməyən, həm də təlimdə xüsusi ehtiyacları olan şagirdlər aiddir. Məs. 15 yaşlı
uşağın oxumağı, yazmağı bacarmaması və s. vərdiş və ya bacarıqlarının olmaması.
