innovatsiya faoliyati tarziga kirsa, ya'ni texnika va
texnologiya yangiliklarini joriy etish bilan bog'liq bo'lsa, iqtisodiy, o'sish tezlashadi. Innovatsiya tufayli
me hnat unumi o'sadi, yangi tovarlar paydo, bo'ladi, bozor yanada to'yinadi. Ammo innovatsion tadbirkorlik uchun ilmiy-
texnikaviy ishlanmalar, ya'ni patent, litsenziya, nou-xau bozori erkin va baynalmilal miqyosda amal
qilishi shart.
Tadbirkorlik yuzaga chiqishi uchun jamiyatda iqtisodiy erkinlik bo'lishi shart, ya'ni cheklanmagan bozor, erkin narx-navo, kredit, innovatsiya, eksport-import erkinligi talab qilinadi. Tadbirkorlik rivoji uchun erkinlik moliyaviy aloqalarni ham qamrab olishi kerak.
Tadbirkorlar hohlagan bankini tanlab ish ko'radi, bir necha bankda o'z hisob varag'i (schyoti)ni ochishi, o'z pul mablag'larini o'z bilganicha ishlatishi, o'z mablag'ini naqd pul qilib YOKI naqt pulsiz schyotdan- schyotga ko'chirib olishi mumkin. Tadbirkor qonuniy faoliyat bilan shug'ullanganda uning moliyaviy
ishlariga xech kim aralashishga hakli emas.
Tadbirkor byudjet bilan ham erkin aloqada bo'ladi. Belgilangan soliq summasini byudjetga to'laydi; byudjetdan tegadigan pulni o'zi o'zlashtiradi. U
xoxlagan moliyaviy kompaniya yoki tashkilot faoliyatida ishtirok eta oladi. Tadbirkorlik uchun qulay
muhit — bu yagona iqtisodiy maydonning, jumladan, yagona pul maydonining mavjud bo'lishidir.
Iqtisodiy maydonda korxona erkin iSH Tutishi, iqtisodiy bitimlar tuza olishi shart. Bu erda tovarlar,
kapitallar va ish kuchi erkin va cheklanmagan holda ko'chib yura olishi kerak, yangi ishlab chikarish
resurslari har tomonga qarab erkin oqa olishi kerak. Iqtisodiy aloqalar pul va bozor orkali amalga
oshadi, barter emas, haqiqiy oldi-sotdi amal qiladi. Oldi-berdi bo'yicha xisob-kitoblar yagona valyuta
bilan kilinib, u erkin muomalada almashtiriladigan bo'lmog'i zarur. Yagona iqtisodiy maydonda
tadbirkorlik uchun bir xil ishlab chiqarish infrastrukturasi xizmatlari ko'rsatiladi. Bu erda narx va
tariflarning tashkil topish qoidalari ham bir xil bo'ladi. Yagona iqtisodiy maydonning doirasi har xil
bo'lishi mumkin.
