Microsoft Word al azkor ziyouz com doc

295-bob Mahbub va karih narsani ko‘rganda aytiladigan zikrlar
837/1. Oishadan (r.a.) rivoyat qilinadi. Rasululloh sollallohu alayhi vasallam agar 
mahbub narsani ko‘rsalar, 
«Alhamdu lillahillaziy bini’matihi tatimmus solihot», («Ne’mati ila ezgulikni mukammal 
qilgan Allohga hamd bo‘lsin»), deb aytardilar. Agar karohiyatli narsani ko‘rsalar, 
«Alhamdu lillahi ‘ala kulli hol», («Har holatda Allohga hamd bo‘lsin»), deb aytardilar. Ibn 
Moja va Ibn Sunniylar yaxshi isnod ila rivoyat qilishgan. Imom Hokim esa sahih isnod, 
deganlar. 
296-bob Osmonga nazar solganda o‘qiladigan duo
Osmonga qaraganda Oli Imron surasining 191-oyatini boshidan oxirigacha o‘qish 
mahbub amaldir. Buni Ibn Abbos (r.a.) Rasululloh sollallohu alayhi vasallamdan rivoyat 
qilganlar. Biz buni yuqorida o‘rgandik. 
297-bob Biror narsadan shumlanganda aytiladigan zikrlar
838/1. Muoviya ibn Hakam as-Sulmiydan (r.a.) rivoyat qilinadi. «Ey Rasululloh, bizda 
kishilar shumlanishadi», deganimda, u zot: «Bu ularning qalblarida bor narsadir, ularni 
to‘sib bo‘lmaydi», dedilar». Imom Muslim rivoyatlari. 
839/2. Urva ibn Omir al-Juhaniydan (r.a.) rivoyat qilinadi. Rasululloh sollallohu alayhi 
vasallamdan shumlanish haqida so‘ralganda, «Uning to‘g‘risi nekbinlikdir, musulmonni 
shumlanish (orqaga) qaytara olmaydi. Agar shumlanishdan biror karih narsani 
ko‘rsanglar, 
«Allohumma la ya'tiy bilhasanoti illa anta vala yazhabu bissayyi'oti illa anta vala havla 
vala quvvata illa billahi», deb aytinglar», dedilar. (Ma’nosi: «Allohim, yaxshiliklarni Sen 
olib kelasan. Yomonliklarni ham Sen ketkazasan. Sendan boshqa biror o‘zgartiruvchi 
ham, quvvat ham yo‘qdir».) Ibn Sunniy va boshqalar rivoyatlari. 
298-bob Hammomga kirayotganda aytiladigan zikrlar
Hammomga kirayotganda Allohning ismini aytib, undan jannatni so‘rab, do‘zaxdan 
panoh tilashlik mustahabdir. 
840/1. Abu Hurayradan (r.a.) rivoyat qilinadi. Rasululloh sollallohu alayhi vasallam: 
«Alloh azza va jalladan jannatini so‘rab, do‘zaxidan panoh tilab kirilgan hammom 
muncha ham yaxshi», dedilar. Ibn Sunniy zaif isnod bilan rivoyat qilganlar. 

---

Al-Azkor. Al-Faqih an-Navaviy