Nur təFSİRİ

“KAFİRUN” SURƏSİ 
 
(109-CU SURƏ; 6 AYƏ) 
 
OTUZUNCU CÜZ 
 
“KAFİRUN” SURƏSİNİN SİMASI 
 
Məkkədə nazil olmuş bu surə 6 ayədən ibarətdir. Surənin adı onun 1-ci ayəsindən 
götürülmüşdür. Surədə kafirlərə müraciət edilir. Surə nazil olan vaxt kafirlər əksəriyyət 
təşkil edirdilər. Peyğəmbər (s) onlar tərəfindən şiddətli sıxıntılara məruz qalırdı. Kafirlər 
hər vəchlə Peyğəmbəri (s) sazişə gətirmək istəyirdilər. Amma ayələr bunun əksini 
buyurdu.
Rəvayətlərə əsasən, “Kafirun” surəsini oxuyan kəs Quranın dörddə birini oxumuş 
kimidir. Azğın şeytanlar ondan uzaqlaşar, həmin şəxs şirkdən paklanar.
رلا ِللهٱ ِمْسِب
 ِنمْح
 
رلٱ
 ِمی ِح
 
"Rəhman və Rəhim Allahın adı ilə" 
 
Ayə 1, 2, 3, 4, 5, 6: 
 َلً﴿﴾َنوُرِفاَكْلا اَهُّیَأ اَی ْلُق﴿
اَع اَنَأ َلً َو﴿﴾ُدُبْعَأ اَم َنوُدِباَع ْمُتنَأ َلً َو﴿﴾َنوُدُبْعَت اَم ُدُبْعَأ 
 ٌدِب
﴾ ِنیِد َيِل َو ْمُكُنیِد ْمُكَل﴿﴾ُدُبْعَأ اَم َنوُدِباَع ْمُتنَأ َلً َو﴿﴾ْمُّتدَبَع ا م
 
“De ki, ey kafirlər! Mən sizin pərəstiş etdiklərinizə pərəstiş etmərəm; siz də 
mənim pərəstiş etdiyimə pərəstiş etməzsiniz; nə mən sizin ibadət etdiklərinizə ibadət 
edənəm; nə də siz mənim ibadət etdiyimə ibadət edənsiniz; sizin ayininiz özünüz 
üçün, mənim ayinim özüm üçün.” 
 
Nöqtələr 
 
◘Surənin nazil olma şəni ilə bağlı bildirilir ki, Qüreyş başçılarından bəziləri 
Peyğəmbərə (s) dedilər: “Ey Məhəmməd (s), sən bir il bizim ayinlərə tabe ol, biz də 
növbəti il sənin ayinlərinə tabe olaq. Sonra hansı yaxşıdır onu seçək.” Amma Peyğəmbər 
(s) bu təklifi qəbul etmədi. Onlar dedilər: “Heç olmaya bizim məbudlarımıza toxun, 
onlardan bərəkət istə. Biz də sənin Allahına pərəstiş edək.” Həmin vaxt hazırkı surə nazil 
oldu. 
◘“Qul” əmri kafirlərin Peyğəmbərə (s) münasibətdə kinini bir qədər azaldır. Bu söz 
onlara anladır ki, qarşılarında Peyğəmbər (s) yox Allah dayanıb. 
◘Bəzən müxalifləri özbaşına buraxmaq lazımdır. “Qəsəs” surəsinin 55-ci ayəsində 
də uyğun məna təsdiqlənir. Əslində belə bir müraciət qarşı tərəflə razılaşmaq yox, onlar 
üçün xəbərdarlıqdır. 
◘Bəzən Quranda təkrarlar təkid mənasını daşıyır.
1
Bu surədə də təkrarlarda məqsəd 
təkid ola bilər. Belə ki, uyğun təkrarlar nəticəsində müşriklər müsəlmanların təslim 
1
“Təkasur”, 3, 4; “Muddəssir”, 19, 20 

---

316 
olacaqlarından ümidlərini üzsünlər. Uyğun təkrarlar müsəlmanlara təlqin də ola bilər. 
Onlar bu sözlərdən sonra öz mövqelərini möhkəmlətməlidirlər. 
◘Kafirlərdən bir qisminin iman gətirməməsi Quranda dəfələrlə vurğulanır. “Bəqərə” 
surəsinin 6-cı, “Yasin” surəsinin 7-ci ayəsi də bu qəbildəndir.