Bolalar kiymini konstruksiyalash va modellashtirish

Bolalar kiyimiga qo‘yiladigan talablar
. Hozirgi kunda boshqa iste’mol 
mahsulotlari kabi, bolalar kiyimga nisbatan yanada yuqori talablar qo‘yilmoqda. 
Bolalar kiyimining asosiy talablari: oddiylik va go‘zallik hisoblanadi. 
Kiyimni loyihalash jarayonida bolaning yoshi, kiyimni kiyish shart-sharoitlari, 
gazlamaning xususiyatlarini e’tiborga olish kerak. Bolalar gavdasining 
mutanosibligi kattalar gavdasi mutanosibligidan farq qiladi, shuning uchun bolalar 
kiyimining fasonlari kattalarnikini takrorlamasligi kerak. Yasli bog‘cha yoshdagi 
qiz bolalar ko‘ylaklari asosan yelkadan boshlanadigan oddiyroq ko‘ylak, sarafanlar 
hisoblanadi. Ularda burmalar, koketkalar, koketka ostidan mayda taxlama yoki 
burmalar bo‘lishi mumkin. Maktab yoshidagi qizlar ko‘ylaklari esa ko‘p hollarda 
bel qismidan ajralgan, etak qismiga kengaygan bo‘ladi. Bolaning yoshiga qarab 
gazlama tanlanadi. Yasli va bog‘cha yoshidagi qizlar uchun, ya’ni ko‘proq turli 
o‘yinlar bilan mashg‘ul bo‘ladigan qizlar uchun, yengil, qimmat bo‘lmagan, yorqin 
rangli gazlamalar ishlatib, ularning gullari har xil, ya’ni mayda gulli, mayda 
kataklar, hayvonchalar rasmlari bo‘lgan gazlamalar bo‘lishi mumkin. Ularda kant, 
tesmalardan bezak sifatida foydalaniladi. 
Maktab yoshdagi qizlarning kiyimlarida yirik katak, yo‘l- yo‘lli, yirik va mayda 
gulli, noaniq gulli gazlamalar ishlatiladi. Kiyimning bezagi gazlama rangiga, kiyim 
vazifasiga qarab tanlanadi. To‘r, volan, ryush, burmalar, kashta taxlama, mayda 
chimdib olish, yoqalar, cho‘ntaklar, tugma, kamar, manjetlardan foydalanib 
kiyimni bezash mumkin. 
O‘g‘il bolalar kiyimlari ham qulay va chiroyli bo‘lishi kerak. Yasli va bog‘cha 
yoshidagi bolalarga ko‘pincha oddiy bichimdagi kostyumchiklar, shimlar, 
shortiklar, kombinizonlar tikish mumkin. Bolalar kiyimi uchun paxta, shoyi tolali, 
paxmoq, chiy duxoba, arzon jun tolali gazlamalar tavsiya qilinadi. 
Bolalar kiyimlarigi har qanday tikuv buyumlariga qo‘yilaganidek 2 xil talab 
qo‘yiladi. 

---

1.Is’temolchi talabi 
2.Ishlab chiqarish talabi. 
Ist’molchining talabi o‘z navbatida quyidagilarga bo‘linadi. 
1.Gigiyenik talab; 
2.Ekspluatatsion talab; 
3.Estetik talab. 
Gigiyenik talab deganda shuni tushuniladiki, kiyimdan foydalanganda odam 
sog‘lig‘iga zarar yetkazmasligi kerak. Bolalar terisi juda nozik bo‘lib ular uchun 
kiyimlarni loyihalash jarayonida gigiyenik talab asosiy talablardan biri 
hisoblanadi. Bolalar kiyimlari erkin harakatlanish vaqtida xalaqit bermasligi kerak. 
Bolalar kiyimlari tanaga yopishib turmasligi, ularni erkin nafas olishiga qulay 
bo‘lishi lozim. Yozda kiyiladigan kiyimlar yengil, havo o‘tkazuvchan bo‘lishi, 
quyosh nurini qaytaruvchan bo‘lishi, namni shimuvchan bo‘lishi kerak. Bunda 
gazlama asosiy rol o‘ynaydi. Kiyim tabiiy tolali gazlamalardan tikilishi talab 
qilinadi. Ayniqsa chaqaloqlar guruhi uchun 100% tabiiy tolali gazlamalar tavsiya 
etiladi. 
Ekspluatatsion talab iste’molchining kiyim chidamliligiga qo‘ygan talabidir. 
Bolalar juda harakatchan bo‘lib ularning kiyimlari turli mexanikaviy va biologik 
ta’sirlarga duch keladi. Kiyim ana shu ta’sirlarga chidamli bo‘lishi kerak. Bunday 
ta’sirlarda kiyim sitiladigan, cho‘ziladigan, rangini o‘zgar- tiradigan yoki 
g‘ijimlanadigan bo‘lsa, u uzoqqa chidamaydi. Undan tashqari, kiyim yoqalari, 
yenglari, bortlari, cho‘ntak og‘izlari ko‘p ishqalanadi. Bu yerlarga puxta texnik 
ishlov berish kerak. Aks holda kiyim o‘z ko‘rinishini yo‘qotadi. 
Estetik talab kiyim tashqi ko‘rinishi jihatidan bichimi, gazlamasi, bezaklari, 

---

ularga ishlov berish, chiroyli bo‘lishi, sifatli bo‘lishi talab qilinadi. Bolalar 
kiyimining kompozitsion yechimi, bichimi va bezaklari zamonaviy modaga mos 
bo‘lishi va tana tuzilishidan kelib chiqib tanlanishi lozim. Unda qo‘llanadigan 
ranglar turli-tuman bo‘lib, har bir bolaning yosh xususiyatiga, kiyim turiga va nima 
maqsadda kiyilishiga qarab tanlanadi. Bolalar kiyimlari uchun asosan yorqin 
rangdagi matolardan foydalaniladi. 
Yuqorida keltirilgan talablar bolalar yosh guruhiga qarab o‘zgarib borishi 
mumkin. Ayrim yosh guruhida gigiyenik va estetik talab yuqori bo‘lsa, boshqa 
yosh guruhida qulaylik va chidamlilikka ahamiyat beriladi. 
Ishlab chiqarish talablariga mehnat sarfini qisqartirish va materiallardan 
ratsional foydalanish yo‘li bilan mahsulotni tayyorlashda texnik - iqtisodiy 
maqsadga muvofiqligini ta’minlash kiradi
. 
6-ilova